مساء الخير ,, أخباركم ؟ شمسوين ؟

ونااااااااااااااسة فيه ردود جديدة ,,,

الكوثر : الحمد لله عجبتك القصة يعني ,,,

المخلصه : و فديت اللي تفداني انشاء الله تكون توقعاتج صحيحة مشكورة الغلا على المرور

سوسا : ههههههههههههههههه لا وين راح بالج بعيد وايد عالعموم اتمنى تكون توقعاتج صحيحة

مسامحة عالتأخير بس كان فيه خلل في النت و الحين الحمد لله اوكي عشان جذي

انتظروا الجزء ( 8 ) بعد شوي و مشكورين عالمرور جميعاً

تحاياي السكرية

الجزء ( 8 ) و مسامحة عالتأخير

محمد الوالد : عشوقة ,, روحي شوفي خواتج بنمشي الحين

الخال علي : لا وين ؟ تو الناس تعشوا ويانا عالأقل

محمد الوالد : اسمحلنا عاد الخال ,,, بس مضطرين نمشي الحين ,, مرة ثانية انشاء الله

الخال علي : مسموح ,,, و حياكمـــ الله في أي وقت تشرفونا و الله

راحت فوق غرفة فطوم طقت الباب و دخلت

و بهمس جميل : بنوتة ,, سوسا ,, المخلصه ,, يلا بنمشي الحين

سوسا + المخلصه + بنوتة : يلا

و كل وحدة راحت تسلم على بنت خالها ,,,

فطوم : لا تقطعونا عاد

المخلصه : فالج طيب كل يوم طايحين عندكم شتبين بعد ؟ ههههههههههههه

فطوم : ما ابي الا سلامتج ,,,

نزلوا و سلموا على خالهم و زوجته و طلعوا ,,,

في السيارة

المخلصه تصاصر سوسا و بنوتة في اذونهم ,,,

مرة وحدة ,,, المخلصه : يوبا ؟

يوبا : همممم ؟

المخلصه : نبي نروج جسميز بعد اذنك يعني لا تنسى الجائزة مالت المباراة ,,,,

التم ليلى : لا اله الا الله ,,, و انا فكرت نسوا السالفة

الوالد محمد : ههههههههههههه ضحكتيني هذيلا ما ينسون شي فيه مصلحتهم يلا بنروح

جسميز ,, شنسوي بعد حكم القوي على الضعيف

بنوتة : يااااااااااااااهو

عشوقة مسندة راسها على الدريشة تطالع الشارع ,,, قاعدة تفكر في هاللحظات اللي قضتها مع اهلها

كانت وايد مستانسة و دليل هذا الشيء ان دانيال ما رجع ,,, يعني نفسيتها بدت تتحسن ,, الحمد لله

تذكرت السفرة الى نيويورك مستانسة وايد على هالشيء من زمان كان في خاطرها تروح نيويورك

و تشوف السنترال بارك ,,, لأن وايد يتكلمون عنه ,,, و تبي تشوف اشياء وايد بعد ,,,

وقفوا عند جسميز ,, الوالد نزل من السيارة يطلب لهم ,,,,,

سوسا لعشوقة : شفيج سرحانة جذي ؟

عشوقة بابتسامة : لا بس كنت أفكر في السفرة ,,, أحس بكون وناسة ,,,

سوسا : اي حتى أنا اقول جذي ابي اغمض عيوني و افتحها مرة ثانية الاقي روحي

في نيويورك لان تلوع جبدي من الطائرة ,,,

عشوقة قعدت تتذكر سفرهم الى لندن يوم كانت صف اول متوسط ( اعدادي ) شلون كان شكل

سوسا في الطائرة و فطست من الضحك : هههههههههههههههههههه اتذكر ذيك المرة

يوم نسافر لندن قبل لا تقلع الطائرة مغمضة عيونج بخوف تقرين على عمرج هههههههههههه

و انا كنت قاعدة اتضحك عليج هههههههههههه اسميج صدق نكتة

سوسا بمزح : يا السخيـــــــــــــــــــــفة سكتي فضيحة ما فيني يتطنزون علي

عشوقة زادت : ههههههههههههههههههه و اللهههههههههههههههههههههه ما ههه قدر ههه

اوقف ههههه

سوسا رفعت حاجب من حواجبها و نزلت الثاني : و الله حالة آخر زمن عشوقو تتطنز علي

ما دري من كان خايف من اللعبة اللي تدور هناك و قعدت تصارخ و تصيح هههههههههههههه

بنوتة و المخلصه يسولفون على فكرة ,,, عشان جذي ما انتبهوا

وقفت عشوقة عن الضحك و دموعها تنزل مو قادرة توقفهم من الضحك طبعاً : لا ههههه ما شفتي هههه

ذيك هههههههه كانت وحدة حامل و الله و الله خفت ههههههههههههههههههه انا صخيت

شوي يوم نزلنا تحت الا اهي تصارخ هههههههههههههههههههههه قلت جان ما تولد ههههههههههه

سوسا و هي تتذكر : ههههههههه هذا اذا ما ولدت و خلصت ههههه

رجع الوالد و في ايده العشى

راحوا البيت و تعشوا

عشوقة قاعدة على النت و سوسا و المخلصه و بنوتة يلعبون اونو ,,,,

عقب جم دقيقة قامت عشوقة من على الكرسي و راحت صوب غرفة الوالد الوالدة

عشوقة تطق الباب ,,, شوي و طلع لها ابوها

الوالد محمد : شفيها الحلوة لي الحين قاعدة ؟

عشوقة : يوبا ابي اسالك

الوالد محمد : عن شنو ؟

عشوقة تبتسم بمرح : عن السفرة متحمسة وايد ,,, ابي اروح باجر

الوالد محمد : ههههههههههههه احب فيج هالحماس يخليني اتحمس اكثر تصدقين بحجز عقب باجر

عشوقة : ماشاء الله شلون جذي بهالسرعة بتحصل ؟

الوالد محمد يغمز لها : افا عليج ,,, ربعي ما يقصرون عندي واسطة من كل صوب

عشوقة : ههههههههههههههههههه قول جذي من الاول ,,, لكن لحظة انت متاكد عقب باجر ؟

اخافك تاخذني على قد عقلي و تتطنز

الوالد محمد : ههههههههههه لا و الله مو جذي

عشوقة تطالعه بنص عيون : بنشوف يوبا ( باسته على خده )

و هي تبتسم بشطانة : تصبح على خير يوبا ,,,

محمد : و انتي من اهل الخير يوبا

عشوقة : بابا يقول عقب باجر بنسافر

بنوتة :

سوسا : شلون جذي بعدددد ؟

عشوقة : شدراني يقول عنده واسطات مو واسطة وحدة بعد

المخلصه : احسن و الله وناسة

بنوتة : ههههههههه اخاف الا قص عليج

عشوقة : يلا عاد ,,, شقالو لج ياهل ؟

بنوتة : لا بس بيبي ههههههههههههههه

عشوقة : انزين يلا ابي انام

المخلصه : خيبة تخيب العدو شوفي الساعة جم توها 12 وين تنامين

عشوقة : تعبانة شوي ,,, تعرفين الصخونة و ما تسوي ,,,,

المخلصه : كيفج

راحت تبوس كل وحدة على خدها : تصبحون على خير ,,,

سوسا و بنوتة و المخلصه : و انتي من اهل الخير ,,,

***** سوري ادري الجزء قصير بس بحاول اخليه اطول المرة اليايه السموحة منكم *****

و نفس الأسئلة :

شاللي بخلي القصة تتغير 180 درجة ؟

هل من الممكن تتبدل حياة عشوقة ؟

هل من الممكن تطلع شخصيات اكثر في القصة ؟

توقعـــــــــــــــــــــــــــــــــاتكم مهمة بالنسبة لي لا تنسون تكتبونها ,,,,,

ترقبـــــــــــــــــــــــــوا الجزء ( 9 ) قريباً جداً ,,,

تحاياي السكرية

الجزء الـــ ( 9 ) ــــــــــتاسع

بدا الصبح ألذ من العادة وعطر الرطوبة مغذي للحيوية وعبق التربة الطرية المبلولة بفاعل المطر الخفيف منتشر مثل البخور المعتق والسما رمادية حاجبة شمس ناعسة

وغيوم مسكرة...

ظل راس عشوقة متوسد حافة الدريشة مال غرفتها ,,, كانت سرحانة ,,, و ما انتبهت الى

اختها اللي دخلت و قعدت على السرير الا لما صارخت صرخة

المخلصه : عشووووووووووووووووووقة ؟

عشوقة : هاه شنو ؟ منو مات >>> ههههههههه يالله صباح خير

المخلصه : ههههههههههههه اسم الله عليج محد مات شفيج ما نزلتي تحت تاكلين

لج شي ؟

عشوقة : ما اشتهي ,,, شبعانة

المخلصه : اعرفج تموتين على النسكافيه ,,, هاج يبت لج كوب

عشوقة : شكراً المخلصه ,,,,

المخلصه : العفو

عشوقة : عيل وين سوسا و بنوتة عنج ؟

المخلصه : ههههههههههههه سكتي لي الحين نايمين

عشوقة : بلللل هههههههه ماشاء الله كل هذ1 نوم الساعة جم ناموا امس ؟

المخلصه و هي ترشف رشفة من النسكافيه : امس امممم يمكن الساعة 3

عشوقة : لا اله الا الله هذيلا لازم يتعلمون ينامون مبجر مو زين جذي لهم ,,,,,

المخلصه : يلا شنسوي بعد ,,,, شفيج ؟ احسج مو طبيعية

عشوقة : مادري قلبي يعورني احس شي جايد بصير ,,,

المخلصه بابتسامة : لا لا تخلين الاوهام تسلل لقلبج هذا الشيطان ما غيره

عشوقة : اعوذ بالله من الشيطان الرجيم ,,

المخلصه : انا بنزل بروح اشوف امي يمكن تودينا السوق بعدين

عشوقة : اوكي ,,,,

خل نبتعد شوي عن بيت عشوقة و نروح لبيت الخال ,,,,

فطوم قعدت من النوم راسها منفجر عيونها متنفخة بسبة الرقاد >> فلبينو هههههه

الكوثر : الواحد يصبح بويوه سمحة ,,, مو هالويه المتنفخ >> يمزح ترى مو قصده

فطوم : و اللي يعافيك راسي شوي و بينفجر خلني ساكتة لا ارتكب فيك جريمة

الكوثر : اوف لهالدرجة ؟ انزين انا كنت امزح وياج

فطوم : اي و اكثر بعد ,,, لا دخيلك لا تمزح مزاحك ثقيل

الكوثر : ما عليه هذا و انا ياي اقولج شي بيونسج بس انسي خلاص

فطوم : افا حبيب قلبي اخوي ما يقول حق فطوم ؟ >> مصلحة

الكوثر : ما بقولج شي خليني بروح للجنة الاستقبال بقوله ما بقولج

فطوم مبوزة : و اهون عليك ,,

الكوثر : و لو انج ما تهونين علي بس ما بقول عشان تتادبين يام هلال

فطوم : اوجي ( اوكي يعني ) لا تقول لكن و الله ان قلت لي مرة ثانية ام هلال

براويك ,,,,,

عطاها نظرة و مشى ,,,,

بيت عشوقة و بعد الصلاة ,,,

رن التلفون

ترررررن تررررن ترررن ترررن

عشوقة رفعت السماعة : الو

...... : سلام عليكم

عشوقة عقدت حواجبها منو هذا ؟ : عليكم السلام

....... : اخبارج ؟

استغربت و عقدت حواجبها اكثر : الحمد لله بخير بس مسامحة ما عرفت منو انت ؟

....... فجأة و بدون سابق انذار : افا ما عرفتيني ؟ انا اخوج ناصر

عشوقة : !!!!!!!!!!!!!!!!!!!!!!!!!!!!!!!!!!!!!!!!!!!!!!!!

ناصر : الو الو عشوقة ؟؟؟؟؟؟؟؟؟؟؟؟؟؟

عشوقة و دمعتها تنزل بحرقة على خدها : لحظة شوي بنادي ابوي

ناصر : اوكي ,,,,

الوالد كان قاعد يطالع التلفزيون شوي يت له عشوقة و هي تمسح الدمعة بسرعة

عشان ما يلاحظ : يوبا

محمد : هلا ؟
عشوقة : في واحد يبي يكلمك في التلفون

محمد : اوكي

رفع السماعة و قعد يتكلم وياه و اهي واقفة عند الباب تسمعه ,,, و عرفت من كلامه

ان اخوها مثل ما يقول بزورهم ويه شخص ثاني بس ما عرفت منو ,,,,

راحت غرفتها و قعدت تبجي : يوم تحسنت حالتي و حسيت اني طلعت من عالم

مظلم مخيف انصدمت ,,, و رجعت لعالمي ,,, ليش الدنيا جذي ؟ كافي صدمات

انا ما اتحمل ,,, ما اتحمل ,,,,,

اذا كان الشخص حزين و تعبان اكيد بيذرف الدموع لين يقول بس لكن اهي مسحت

دموعها بعصبية و اخذت دفترها دفتر الخواطر و قعدت تكتب فيه :

أسأل نفسي يا أنا ما هو ذنبي في هذه الحياة ؟

لماذا الأحزان وحدها تتجدد ؟

لماذا الألم و كل الجروح النازفة ؟

يا أنتم يا سبب معاناتي ؟

من منا يلوم الآخر ؟

ألوم نفسي لأنني ترعرت في مكان لا أنتمي له أصلاً ؟

أم ألومكم لأنكم أعدتوا فتح الجراح ,,,

لماذا ؟ لماذا ؟

أجلس على شرفة نافذتي أبكي بصمت حزين و هدوء قاتل ,,,

ظلال سوداء تلفني ,,, و ظلام دامس يضمني اليه

لقد ملت نافذتي من أحزاني و من شكواي المستمر ,,,

لأرحل فقد عشقت الموت و الدفن تحت الثرى ,,,,,,,,,,,,,,,

أنا حزينة ,, حزينة اليوم جداً ,,,,,,

نامت بعمق بلا احساس بلا وعي ,,,, نامت بعمق و كأنها لم تنم منذ دهر طويل ,,,,

الساعة 30 : 4 مساءً

كان كل اللي في البيت يتحرك ينظف هذا و يرتب ذاك و كأن ملك من الملوك

راح يزورهم ,,,, البنات ما كانو يعرفون بشي كانوا يساعدون و بسسس حتى انهم ما

يعرفون منو راح يزورهم ,,,,

الوالد كان خايف على بنته يكون فيها شي كان يحاتي هالزيارة وايد كان متوتر وايد و هالشي كان يبين عليه ,,,,,

لكن عشوقة كانت في عالم ثاني نايمة في غرفتها متسكرة بطعم الراحة اللي ما ذاقتها

من فترة طويلة ,,, و بسبب الحركة في البيت نسى بنته تماماً ....

صحت عشوقة و هي ترمش بعيونها لضوء الشمس اللي كان موجه لها و بصعوبة

و ثقل انقلبت للجهة الثانية و هي تحس بحميمة الدفء اللي فيها بابتسامة بعد الكوابيس

اللي مرت فيها ,,, حتى انها ما تبي تتذكر اي شي يكفي حزن و هم جاثم على قلبها ,,,

تنهدت براحة و هي تردد : الحمد لله ,,, الحمد لله ,,,,

نزلت تحت و شافت الكل قاعد ينتظر الزوار ,,,,,,,,

بدا العد العكسي لوصول ناصر و الشخص المجهول اللي وياه بعد جم دقيقة سمعو صوت

الجرس ,,,, فراح الوالد يفتح الباب ,,,,,

* يا ترى منو الشخص المجهول اللي ويه ناصر ؟

شنو قصة هالاخو اللي طلع فجأة في القصة ؟

هل من الممكن يصير شي جايد للعائلة ؟

ترقبوا التكملة ,,,,,,,,,,,, تكملة الجزء ( 9 )

توقعاتكم لا تنسون تكتبونها هذا شي مهم وايد
تحاياي السكرية

المخلصه مشكورة الغلا على المرور و التكملة راح اكتبها اليوم ,,,,

اتمنى تكون توقعاتج صحيحة ,,,,

تحاياي السكرية

مسلسل مكسيكي صار

الحمد لله احنا نذكر الناس بكل خير

و عشان خاطركم بحط التكملة الحين >>> صايرة كريمة وايد هالجم يوم

و الله انا ما اخاف الا من شي واحد ,,, هالكرم يمكن بسبب النوم لان توني قاعدة من النوم هههههههه

الموهم فيه شي يديد بيعجبكم

بحط في توقيعي شوي من الجزء الياي يعني الحين بكمل الجزء التاسع مو ؟

الجزء العاشر بكتب شوي منه في توقيعي و تقدرون تعلقون عليه ,,,,,,

لا تنسون تكتبون توقعاتكم

بعد شوي التكملة

تحاياي السكرية

مشكوووووووووووووووووووووووووووووووورة على القصة

وياريت تكملين بأسرع وقت

فتح محمد الباب و دخل ناصر ويه حرمة ,,,,

دخلوا الميلس و قعدوا كلهم ,,,

اما عشوقة النبض احتفى منها ,,, بسبب الخوف حتى الوهن لفاها و زاد عليها

المرض ,,,,,

سوسا عاقدة حواجبها : شفيج مو طبيعية ,,, اذا تعبانة خل امي توديج المستشفى

عشوقة : لا لا ما فيني شي شوية ارهاق ,,,

سوسا : بس روحي عشان تتاكدين

عشوقة : و الله ما فيني شي ,, اذا تعبت اكثر بقولها

سوسا حست ان عشوقة تعرف شي بس ما بينت : على راحتج

المخلصه و بنوتة مكيفين هههههههههه يلعبون سوني ( بلاي ستيشن ) >>> هذا وقته ؟

بنوتة : انا تعبت ,,, بروح اييب عصير تبين ؟

المخلصه : اي بس مو وايد

بنوتة : اوكيك يا كيك

المخلصه عطتها نظرة و كملت لعب

في الميلس كان محمد قاعد صوب ليلى و ناصر قاعد صوب الحرمة اللي وياه

الهدوء كان سيد الموقف ,,, محمد متوتر وايد لدرجة ان العرق تيمع على جبينه

و تم يمسح فيه بهدوء ,,,,

بدت الحرمة في الكلام : انت تعرف يا محمد ليش احنا يايين

محمد عقد حواجبه : اي اعرف بس مو انا اللي يقرر ,,,, اذا تبون تشوفونها بروح اناديها لكم

طلع من الميلس و هو يتنفس بصعوبة كانه رايح ماراثون لا اله الا الله >>> لهالدرجة عاد ؟

رفع راسه و شاف عشوقة في ويهه جان يناديها ,,,

محمد : عشوقة تعالي شوي ابيج

عشوقة الالم زاد عندها بتموت : نعم يوبا

يود ايدها و سحبها وياه الميلس

يوم دخلوا الميلس و شافت ناصر

شهقت شهقة خفيفة ( لانها مو حاطة شي على راسها ) راحت تنخش ورى امها >>> ههههههههههههه

محمد خف عنه التوتر شوي و هو يشوفها جان يضحك على طفوليتها : هههههههههه

لا تخافين عشوقة هذا اخوج

تردد الصوت اكثر من مرة في اذونها : هذا اخوج ... هذا اخوج ..............

تنهد محمد و بدا يشرح لعشوقة السالفة : عشوقة ما يحتاي اوصيج اعرف انج كبيرة كفاية عشان تفكرين

بعقلانية و هدوء ,,,, سمعي : الله يسلمج هذي ( ياشر على الحرمة ) تصير امج يوم كنت مسافر

ادرس في الخارج تزوجت ليلى ,,, و عشنا حياتنا عادي لكن شفت امج مغتربة ما عندها احد هناك

و بروحها ,, عشان جذي تزوجتها لاني احس ان رجولتي فرضت علي هالشي ,,, و مرت الايام

و يبنا ناصر كان اول ولد حقي و ذاك الوقت كنت مستانس وايد لان عندي ولد من زوجتي الثانية ,,,,

مرت الايام بعد و يبنا المخلصه و سوسا و بنوتة ,,, لكن كنا لازم نرجع البلاد في ذاك الوقت نظراً

للظروف و يوم رجعنا ,,, امج طلبت الطلاق كانت مصرة على هالشي ,,, طلقتها و لكن تفاجأت

بقرارها انها تشيل ناصر وياها !!! كنت اعرف انها حامل و في شهرها الاخير بعد و هذا كان

مخوفني وايد عقب جم يوم ربت و يابتج ,,, لكن هالمرة انا ما تنازلت عنج و قررت آخذج وياي

عشان جذي هذي امج و اخوج

* على فكرة ترى الام اسمها زهرة

عشوقة تطالعهم بصدمة : لا تعليق

المفروض تستانس ,,, لان كل واحد يتمنى يكون عنده اخو صح ؟ سند في هالحياة من بعد الوالد

الله يحفظه ,,,,

* شبصير في عشوقة الحين ؟

البنات اذا عرفوا السالفة شبتكون ردة فعلهم ؟

يا ترى عشوقة بتترك البيت و بتروح ويه امها و اخوها ؟

ترقبوا الجزء العاشر قريباً من عشوقة و مذكرات عائلة ,,,,,,,,

و لا تنسون تكتبون توقعاتكم ,,,

تحاياي السكرية

صباح الخير و الورد و الجوري لكل متابعي قصتي ,,,,,

أهلين سوسا ,,, انا اقول ليش صفحتي منورة جذي اثاريها سوسا كتبت رد

على قصتي ههههههههه

امممممم اتمنى تكون توقعاتج صحيحة مشكورة الغلا عالمرور و الرد الطيب ,,,,

انا قلت لكم بحط في توقيعي شوي من الجزي الياي صح ؟

يعني كل ما يخلص جزء بحط ملخص للجزء الياي و تقدرون تعلقون عليه و تكتبون توقعاتكم ,,,

هذا اهو الملخص :

عندي اخو !!!! انا عندي اخو لا لا ما اصدق ,,, لا يكون احلم ؟؟؟؟؟؟؟؟؟؟

قربها منه و ضم يده في ايدها

لفت راسها لورى و هي تطالعهم ,,,

شقت الحلق و نادت ........ شوف شوف ما اقدر ع الرومانسية انا بذوب

احمرت خدودها و صارت بلون الكرز من الخجل

يمــــــــــه !!!!!!!!

فديت روحك منو سوى فيك جذي ؟؟؟؟ بينها و بين نفسها

what is your name ?

............

look at that the boy is Arabian

توقعـــــــــــــــــــــــــــــــــــــــــــــا تكمـــــــــ

شكراً على المرور

بحط لكم الفصل الاول من الجزء العاشر بعد شوي ,,,,

تحاياي

الفصل الأول من الجزء العـــــــــ ( 10 ) ــــــــــاشر

محمد يراقب ملامح بنته الجامدة نوعاً ما ,,,

محمد يهزها : عشوقة ؟ عشوقة بلاج ؟

عشوقة : لا تعليق

محمد عطاها ماي

شربته بالغصب

و أخيراً ارتخت ملامحها و هي تطالع امها و اخوها بهدوء ,,,,

زهرة : الحين عرفتين السالفة كلها ,,, الا شيء واحد و هو سبب زيارتنا لكم ,,,

انا يايه آخذج وياي البيت

عشوقة عقدت حواجبها : ليـــــــــــــش ؟

زهرة : شنو بعد ليش ,,

عشوقة : بس هذا ابوي ( تاشر على ابوها ) و هذي امي ( تاشر على ليلى )

شلون اخليهم و اخلي خواتي

زهرة : متى ما تبين تيين اهني بنييبج

عشوقة : شوفي يمـــــه أعرف انج أمي و أعرف ان هذا اخوي ( تاشر على ناصر ) و حتى لو ما

اعرفكم انا احبكم ,,, يكفي انج امي ,,,,, لكن انا مو طالعة من هالبيت

زهرة : و اذا قلتلج بتطلعين غصباً عنج ,,,,,

عشوقة : بقولج آسفة يمه بظل هني

زهرة و الشرار يطلع من عيونها : هذا آخر كلام عندج ؟

عشوقة : عندج شك بهالشي ؟

ناصر ما عجباه الوضع : صلوا على النبي ,,, ما صار الا كل خير

زهرة : صدق ان ابوج ما رباج عدل ,, تطولين لسانج على امج ياللي ما تستحين ؟

عشوقة و الدمعة محبوسة و بكل ألم : ههههه و الله حالة ,,, الحين عقب كل هالسنين يايه

تاخذيني وياج ؟؟؟؟ وينج عني كل هالمدة ؟ ما فكرتين حتى ترفعين سماعة التلفون و تسالين

عني ,,, انتين بعتيني و هذي قبلت فيني ( تاشر على ليلى ) لا يكون تظنين ان الكلام دخل مخي ؟؟؟؟ ابوي

اصر ان ياخذني و الله انتين اللي تخليتين عني ؟؟؟؟؟؟ ردي شفيج ساكتة ؟؟ هذا الا ما رباني مثل ما

تقولين خلى الكل يعرف من احنا خلى الكل يتكلم عن اخلاقنا ( توها بتكمل كلامها شافت الدنيا ظلمة ,,, ما فيها نور بسبب الكف اللي حصلته

من امها )

زهرة : لا و الله اظاهر بالمرة ما رباج ,,, شلون يربيج عدل و هالحية موجودة >>> تقصد ليلى

عشوقة و دموعها تسيل على خدها : شوفي انا احترمتج لانج في بيتنا ,,, كبرت عقلي و سكت

لاني اعرف ان مستواي اعلى من اني ارد على امثالج >>>> قوية هالعشوقة و الله

الله يسامحني على اللي بقوله بس ما عندي كلام غيره هذي امي و ابوي و هذا بيتي و على فكرة

هذا اهو الباب جان ما تدلينه >>>> لا ما اصدق انا صراحة ههههههه

زهرة و هي تلملم بقايا الكرامة الموجودة عندها : هين و الله لاراويج ,,, صبري انتي بس

طلعت من الباب ويه ناصر ,, توهم بيطلعون من الباب الرئيسي

ناصر وقف : عشوقة

عشوقة و دمعتها تمشي على خدها : نعم ؟

ناصر : اعرف الا سوته امي غلط ,,, و انا متلوم فيج وايد كنت انتظر هاليوم من زمان اني اكون مسؤول عن

اخت اصغر مني شي يفرحني لاني طول عمري كنت وحيد امي ,,, ما ابي اله قالته امي ياثر على

علاقتنا ابيج تكونين اختي الصغيرة اللي اهتم فيها و احبها وايد ما كنت ادري ان كل شي بيخترب

و بصير جذي ......

قاطعته عشوقة : بس لا تكمل الله يسامحها ,,, و انا كنت احلم دائماً يكون عندي اخو اكبر مني

عشان جذي خلاص انسى كل شي صار ,,,,

ناصر تشقق من الفرحة : يعني اخوان للأبد ؟

عشوقة و هي تضحك بمرح : ههههههههههههه اي للأبد

ناصر : يلا باي تحملي في روحج

عشوقة : باي و انت بعد

ناصر : انشاء الله ,,,,

* يا ترى شبسوون البنات اذا عرفوا السالفة ؟

زهرة ممكن تسوي شي جايد للعائلة ؟

شبصير في السفرة الة نيويورك ؟

احداث مشوقة ترقبوها في الفصل الثاني من الجزء العاشر

لا تنسون تكتبون توقعاتكم ,,,,,,


تحاياي السكرية