إعـــــــلان

تقليص
لا يوجد إعلان حتى الآن.

عشوقــــــــة و مذكرات عــــــــــــائلة

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكرا اختي على الجزء و ان شاء الله ما تطيحين مرة ثانية
    ننتظر تكملة القصة

    تعليق


    • مابي اخرب الجوو
      بس شسوي خفت ما اكتب رد وتتضايقون مني

      بس لبنان الجريح معذبني

      واستمري عزيزتي بالقصه
      جميله

      تستحق المتابعه والاهتمام

      ياريت لو تشد شوي القصه
      وتصير فيها احداث اجمل من السابق

      وعشوقه ماقصرت وياي بالقصه
      واحب شخصيه جوزيف وسوسا

      تعليق


      • افا لا لا ما نتضايق ,,,,,

        بعدين كلنا حزينين عشانهم ,,,,

        الله ينصرهم انشاء الله و يوفقهم ,,,,,

        شكراً على المرور ,,,,

        قمر 14 : شكراً عزيزتي على المرور الطيب في صفحتي ,,,

        تحاياي السكرية

        تعليق


        • الجــــــــــــــــــزء 15

          احم اعذروني على التأخير بس هالأيام أنا أمر بظروف طارئة معظم وقتي برى البيت ,,,,,,

          هذا الجزء 15


          الجـــــــــــــزء 15

          لجنة الاستقبال فهم عليها و قام ,,,,,

          لجنة الاستقبال بهمس : ههههههههههههه العن عشوقة هههههههه من وين مطلعة هالجذبة

          عشوقة : ههههههههههههههه من تحت الارض هههههههههه شسوي بعد اذا كشفونا بقولون

          يبون يشوفون جوزيف و اذا شافوه بسوون مشاكل له ويه مرة ابوه

          لجنة الاستقبال : اي و الله ,,,,,,,

          عشوقة : احنا لازم نخبرهم ,,,

          لجنة الاستقبال : اي بس متى ؟

          عشوقة : مادري

          بنوتة : احم عن شنو تتكلمون انتو ؟

          عشوقة : عن الهندي ,,,, ههههههههههههههه

          بنوتة بنص عيون : اشك انا الصراحة ,,,,

          ناصر : ههههههههه لا يكون تحسبون ان احنا صدقنا السالفة ؟

          عشوقة بلعت ريجها بخوف : و الله صدقتوا كيفكم ما صدقتوا هم كيفكم شي راجع لكم ,,,,

          سوسا : فكونا زين ,,,, بقولكم شي

          بنوتة : قولي يا كثر ما تقولين ,,,

          المخلصه : ههههههههههههه انزين خلي البنية تتكلم ,,,

          سوسا : انا في خاطري شي ابي اسويه ,,,

          المخلصه بفضول : شنو ؟

          سوسا : تعرفون اني احب الرسم



          ناصر : اي ماشاء الله الرسومات مالج كلها رووووعة

          سوسا : في خاطري اسوي معرض جذي حق رسوماتي

          بنوتة : الاااااااااااااااااااااااااااااااي فديت روحج سوسا عرفتي تفكرين شوي هههههه

          عشوقة : اسم الله على اختي يعني من قبل ما تفكر ؟

          بنوتة : بلى بس هالمرة الفكرة جهنمية

          ناصر : انا عجباني هالشي بس في وين بتسوينه ؟

          سوسا : امممممم ما دري هذا اهو اللي محيرني

          الكوثر : انا صديقي يعيش في نيويورك ,,,,

          ناصر بعدم تصديق : احلففف

          الكوثر : هههههههههه ,,,, اي ما تتذكرون البعثة ؟

          المخلصه : اي اي صح ,,,, انت سافرت نيويورك درست فيها 4 سنين

          الكوثر : عليج نور ,,, كنت ساكن في فندق ,,,, تعرفت عليه و صار من اعز ربعي ,,,, كان وحيد

          عشان جذي عرض علي اسكن وياه في شقته ,,,,,, عشان اونسه ,,,,

          عشوقة : انزين شلون بساعدنا ؟

          الكوثر : اهر يعرف اماكن وايد و جذي ,,, عشان جذي انا اعتقد ان بساعدنا ,,,,,

          عشوقة : اها اوكي

          ناصر : انا عندي فكرة بعد نيمع التبرعات عشان نساعد الفقراء ,,,,

          المخلصه : الاااااااااااااااااااااااااااي حلووو جذي ,,,,

          ناصر : خلاص توكلنا على الله بس انا بكلم ابوي

          سوسا ابتسمت ,,,,,,

          عشوقة : يلا الحين منو قدج سوسا ؟

          بنوتة : ايا الحسد

          سوسا : ههههههههههههههههههه

          عشوقة : اسم الله علي ,,,, مو حسودة و لا شي الا بالعكس مستانسة حق اختي ,,,,

          المخلصه : بسسس خلاص لوعتوا جبدنا لا اله الا الله كانكم نسوان ريل

          ناصر : هههههههههههههههههههههه حلوة ,,,

          المخلصه : ههههههه شسوي فيهم بعد ؟

          سوسا تصارخ من بعيد : فطوووووووووووووووم

          فطوم بتكبر مرفعة حاجب و منزلة الثاني : نعـــــــــــــم ؟

          بنوتة تهمس حق عشوقة في اذونها : نعامة ترفسج قولي آمين

          عشوقة : ههههههههههههههههههههههههههههه الله يغربل بليسج بنوتة

          هههههههه بس سكتي عيــــــــــــب

          بنوتة : ياختج اكرهها هالبنية وايد مغرورة جايفة عمرها

          عشوقة وقفت ضحك : و لو مو زين نتكلم عنها ,,,,,

          بنوتة : اي و الله نحصل آثام على حساب هذي ( قعدت تطالعها من فوق لتحت )

          سوسا : ليش ما تقعدين ويانه ؟

          فطوم : لا و الله ماقدر اخاف على عمري من اختج المينونة ( ترفع صوتها عشان يسمعونها )

          الشرار يطلع من عيونها ( بتقوم تكفخها تراويها شغل الله )

          عشوقة سحبتها : بنوتة خلها تولي كيفها ,,,

          بنوتة : ما تسمعينها قاعدة تقول انج مينونة ,,,,

          عشوقة : الله يسامحها ,,,,,,

          توها بتتكلم سكتتها عشوقة

          عشوقة : سمعيني اهي هذا الا تبيه احد يكلمها خلها تولي ,,,, انتوا هذا الا فالحين فيه ,,,, دائما

          الهواش و الحش في خلق الله ,,,, لا و القهر امي كل مرة تقول لي ليش ما تقعدين ويه البنات !!!

          المخلصه قامت صوب فطوم ( كانت قاعدة صوب محمد و ليلى و مريم و زهرة ) ,,,

          عشوقة : شبتسوي هذي بعد ؟ لا حول الله

          المخلصه كانت معصبة و تمشي بسرعة

          ركضت وراها عشوقة : كسري الشر حبيبي انتي اكبر من جذي

          فطوم تطالعها من فوق لتحت كانها و لا شي : لا لا خلها اشوف شبتسوي ؟

          الكل قاعد يطالعهم ,,,,

          عشوقة تكلم المخلصه بهدوء : عمري انتي ما نبي نسوي مشاكل صلي على النبي

          المخلصه : اللهم صل على محمد و آل محمد

          هدأت الثورة اللي في داخلها شوي ,,,, و رجعت للمكان اللي اهم قاعدين فيه ,,,,

          عشوقة تطالع بنوتة و المخلصه بغضب ,,,,,,,,

          وسط هذا الجو المتكهرب محمد : يلا بنرجع الهوتيل ,,,,

          كلهم قاموا ,,,,

          رجعوا للهوتيل

          عشوقة : المخلصه بنوتة ابي اكلمكم شوي ,,,,

          ما ردوا و لا قالوا شي بس راحو وراها ,,,,

          عشوقة : سمعوني و خلو كلامي يرن في اذونكم ,,,, بنت خالكم هاي مادري شمسويه فيها

          عشان جذي تقول كلام عني ,,,,,,,

          مو هذا المهم ,,,, انا ما بقول شي مطنشة لكن انتوا اللي لازم تضبطون عمركم ,,,,,

          لان هذا اللي تبيه اهي احد يتهاوش وياها ,,,,,,, على الاقل ما سويتوا سالفة لها حشموا خالي و

          مرة خالي .................

          عشوقة : هذا الا عندي ,,,,,,

          و طلعت راحت صوب الشرفة اللي تطل على الشارع ,,,,

          و قعدت على احد الكراسي ,,,, و كلمة مينونة تتردد في اذنها ,,,,,

          نزلت دمعتين بالعدد لكن مسحتهم بسرعة ,,,,

          انا ماراح ابجي على اقل شي اما اهي خل تقول اللي تبي تقولها نفــــــــــــــاذ ما راح اضايق عمري

          اكثر من جذي ,,,,, عزة النفس بداخلي ما زالت .....................

          ما قدرت تحبس دموعها اكثر من جذي قعدت تذرف الدموع بهدوء قاتل و صمت كئيب مخيف ,,,,

          فجأة ,,,,

          شافت يد تمسح دموعها المترقرقة على وجنتيها ,,,,,

          رفعت راسها شافت امها ,,,,

          حضنتها بقوة و الشهقات تنطلق من وسط هذي الدموع ,,,,

          من الصعب على الانسان يحس بالالم و الحزن و هو وحيد ,,,,

          حتى لو ما كانوا اللي يحبهم موجودين وياه ,,,,

          الا أنهم في نفس الوقت موجودين وياه دائماً في قلبه ,,,,

          رفعت راسها و شافت امها تبتسم بحنان ,,,

          راحت غرفتها شافت خواتها ,,,,

          راحت صوبهم ,,,,

          و التم شملهم من جديد ,,,,

          المخلصه و بنوتة : آسفة ,,,,

          عشوقة : ههههههههه ما صار شي لا تعتذرون ,,,,

          المخلصه : عشوقة انتي ما تدرين شكثر احنا نعاني و احنا نشوفج حزينة بصمت و هدوء ,,,,

          ما تدرين شكثر فرحنا لما شفنا الضحكة ترتسم على ويهج مرة ثانية ,,,,, ما تتصورين شكثر

          استانسنا لما طلعتي حتى لو شوي من انطوائج ,,,,,,,,,

          عشوقة : خلاص لا تفتحون عزا مو مثل ذيك المرة على قولة بابا العيون منفخة و الكشة طايرة ,,,

          بنوتة : هههههههههههههههه

          توقعاتكم للجزء 16 ,,,,

          ترقبـــــــــــــوا الجزء 16 قريباً جداً ,,,,

          تعليق


          • شكرا على الجزء ننتظر الجزء القادم على احر احر احر من الجمر

            تعليق


            • بسم الله الرحمن الرحيم

              اللهم صل على محمد وآل محمد الطيبين الطااهرين

              متباركين بالموولد والله يعوودكم السنة كل سنة بصحه وسلاامة

              عشوووقة فناااااااتك الأجزااااء

              الجزء 12 وااااااو رووعه أحلى فيلم في حيااتي شفته ........

              الجزء 13 تعليقي في التلفوون قلتج عنه

              الجزء 14 شيء من الحيااااة العادية

              الجزء 15 مؤثر جداً جداً

              في شيء عجبني :

              من اهي عشان تحزن ؟ ماكو حزن دام الله موجود ,,,,,,,

              وما يحتااج تحزنون فإن الله مع سيد حسن نصر الله تذكروا ألا ان حزب الله هم الغاالبوون

              اطلبوا بالنصر فقط

              ما عندي توقعاااااااااااات

              تعليق


              • قمر 14 شكراً على المرور عزيزتي

                المخلصه للعترة شكراً على المرور عزيزتي

                تحاياي

                تعليق


                • عشوقة ننتظر الجزء حبيبتي

                  تعليق


                  • عشــــــــــوقة ..

                    أحلى جزء هذا << منو قدي بسوي معرض

                    الله يوفقج للمزيد .. والأحلى .. والأروع

                    ،،
                    توقعاتي ....

                    ان راح تصير هوشة كبيرة بين البنات ...

                    وطق مطاقق .. وإصابات

                    وعشوقة والمخلصة .. راح يوزعون بطيخ بالمعرض :p

                    ننتظر الجزء القادم ..

                    soosaa

                    تعليق


                    • قمر 14 : مشكورة على المرور و انا قاعدة اكتب في الجزء

                      سوسا : هههههههههههههههه انشاء الله تكون توقعاتج صحيحة

                      عاد اسموحو لي انا هالايام افكاري مشتتة مضغوطة وايد

                      عشان جذي تاخرت في الجزؤ و انا من مساعة اكتب فيه و ارد امسح كل شي بس وعد

                      مني اذا خلص على طول راح احطه لكم ,,,,

                      تحاياي

                      تعليق


                      • مشكووووووووووووووووورة على القصة

                        لحد الحين قريت 8 أجزاء

                        والصراحة

                        روووووووووووووعة

                        تعليق


                        • احم احم أخجلت تواضعي حقاً ,,,,

                          شكراً على المرور و اذا عندك تعليق على القصة او اعتراض لا تتردد في كتابته ,,,

                          و منكم نستفيد ,,,,

                          احم خلصت الجزء و راح احطه بعد شوي

                          تحاياي

                          تعليق


                          • الجــــــــــــــــــــــــــــــزء 16


                            الجـــــــــــــزء 16

                            عشوقة منزلة راسها و خدودها متوهجة بسبب الخجل : احم آسفة ترى انا ما كنت اقصد اللي قلته

                            في السنترال بارك ,,,,

                            المخلصه تبتسم : لا حبيبي لا تقولين جذي احنا خوات و بنظل جذي طول عمرنا نحب بعض ,,,

                            رفعت راسها و عيونها تلمع من الفرحة : ابي اطلب منكم شي

                            المخلصه : آمري ,,,

                            عشوقة : ما يآمر عليج عدو ,,, احم تعرفون اني ابتعدت وايد عنكم و هالشي يضايقني

                            لكن هذا غصباً عني ما اتحمل فكرة اني اتعلق في احد بعدين يروح مثل أروى ....

                            المخلصه مبطلة عيونها : صديقتج ماتت ؟

                            عشوقة و هي تحبس الدموع في عيونها : اي من زمان بعد

                            المخلصه طبطبت على جتف اختها ,,,

                            عشوقة مسحت الدموع اللي سالت على خدها : مو هذا المهم ,,,, في خاطري نطلع انا و انتو بس

                            وايد ابتعدت و خليت حواجز بيني و بينكم ,,, اعرف اني غريبة اطوار بعض الشي لكن تحملوني

                            سوسا توها يايه من الصالة : شسالفة ؟

                            المخلصه تاشر لها عشان تقعد ,,,,

                            المخلصه : تراج في النهاية اختنا فشي اكيد راح نحبج مهما كانت الظروف

                            سوسا : اخخخخ ما قدر انا غربلات بليسكم خليتوني اصيح

                            بنوتة اللي كانت ساكتة طول الوقت لمت اختها : فديت الحساسين انا

                            عشوقة ضحكت : هههههه خلاص باجر بنطلع بس احنا اوكي ؟

                            سوسا : انشاء الله

                            عشوقة : سوسا ابي اشوف رسوماتج يصير ؟

                            سوسا : افا عليج اكيد يصير تعالي وياي

                            قعدت تراويها شوي من رسوماتها ,,,,,



                            عشوقة : الااااااااااااااااااااااااااااي روووعة منو هاي ؟

                            سوسا استانست : هاي نوف اخت رفيجتي ,,, صج و الله عجبتج ؟

                            عشوقة : اكيد ماشاء الله ما شاء الله حلووووة

                            سوسا : ههههههه اخجلتين تواضعي خيهــــ

                            عشوقة : ههههههههه

                            سوسا : روحي نامي باجر بنتعبج

                            عشوقة : اوكي ,, غود نايت اند سويت دريمز فور يو

                            سوسا : هههههههه فور يو تو ,,,

                            قبل لا تروح تنام راحت صوب البلكونة ,,,,

                            اللي تطل على الشارع ,,, لبست شيلتها عالسريع و قعدت تمتع عيونها بالقمر اللي كان مكتمل

                            في ذاك الوقت ,,,,

                            و بدت لها النجوم مثل قطع الالماس الصافية ,,,,

                            لفتها النسائم الباردة و طيرت طرف شيلتها ,,,,

                            عدلت شيلتها و طلعت من هناك و توها بتروح تنام ,,,,

                            لان الكل غط في سبات عميـــــق ,,,,

                            الا انها تفاجأت بحركة و صوت على الكنبة ,,,,

                            راحت صوب الكنبة و انصدمت لما شافتها !!!!!!

                            دموعها تسيل مثل النهر ,,, و عيونها متورمة بسبب البجي ,,,,

                            راحت صوبها و ظلت تطالعها بهدوء ,,,,

                            فطوم و هي تشاهق : تباعدي ... عني ... تبين تتشمتين ؟ ...... خلاص .... ربحتي المعركة ......

                            عشوقة ما ردت راحت تييب لها ماي و مدت يدها بالقلاص .....

                            فطوم بقهر : روووحي عني .... مالت عليج ..... يالسخيفة .... مسويه روحج طيبة ......

                            عشوقة عاذرتنها لانها حالتها لا يرثى لها عطتها القلاص و شربتها الماي بالغصب ,,,,

                            عشوقة تجرأت و مدت ايدها عشان تيود يد بنت خالها و ابتسمت لها

                            ما قدرت ترد لها الابتسامة ,,, انهارت مرة وحدة و هي تقول : قصت علي ... و خلتني مثل الغبية ....

                            امشي وراها ... بالمرة ما كنت اتوقع هالشي .... اتوقعته من الكل الا اهي .....

                            عشوقة علامات الدهشة على ويهها : مو فاهمة شي انا ,,, بس قومي وياي

                            فطوم بخوف : وين ؟

                            عشوقة : قومي تمسحي ( تتوضأ يعني ) و اقري لج قرآن بترتاحين

                            فطوم قامت غسلت ويهها و تمسحت و بدت تقرا القرآن و كل ما تخلص من آية تصيح اكثر و اكثر

                            عشوقة : يا بنت الحلال صلي على النبي الله بيفرجها

                            فطوم : انا خايفة ,,,,, خايفة وايد

                            عشوقة : لحظة بروح اسوي نسكافيه ,,,

                            سوت لها نسكافيه و حق بنت خالها ,,,

                            عشوقة : الحين شسالفة ؟ قولي لا تخافين ما بقول لاحد

                            فطوم تتنهد : آآآآخ شقول لج ؟ مادري من وين ابتدي بس انا ويهي يعورني بسبب الكلام اللي

                            قلته لج آسفة عشوقة ,,,

                            عشوقة : لا حول الله لا تكملين انا ما بسامحج لانج ما سويتي شي الحين تكلمي طيحتي قلبي

                            فطوم : الحمد لله على الاقل مسامحتني ,,, سمعي السالفة ,,,

                            كانت صديقتي اسمها عبير هاي توامتي عدل احبها وايد اعتبرها مثل اختي اللي ما انولدت ,,,

                            عشوقة : انزين

                            فطوم : في يوم كان عندنا حفلة خطوبة وحدة من البنات

                            عشوقة تغضنت حواجبها هذا اخس شي عندها يمعة بنات و حفلات وععع : انزين كملي ,,,,

                            فطوم : عاد كل من كاشخ و جذي ,, قلت انا بعد مو اقل عنهم ,,, رحت الصالون و خبرج سويت

                            شعري و جذي ...... انزين هناك في الحفلة صورنا ويه هاي زميلتنا العروس و عبير اهي اللي

                            صورتنا ,,,

                            عشوقة في خاطرها هذا الا فالحين فيه حفلات و حش في خلق الله و كل وحدة تنافس الثانية في

                            الجمال و الازياء وعععععع الله يعين و الله ,,,,

                            فطوم بدت تتيمع الدموع في عيونها : عاد هاي عبير كانت وحيدة امها و ابوها و وايد فري و

                            دلوعة ,,,

                            استغفر الله ما ابي اقول شتسوي ستر الله على العباد بس عشان تعرفين السالفة هاي كانت تكلم

                            صبيان في

                            الجات و جذي و اخذت صورتي و راوتها واحد ,,,

                            عشوقة كانها ميتة : لا تعليــــــــــــــــــــــــــــــــــــــق

                            فطوم : بالصدفة طلع هذا الصبي يصير اخو رفيجتنا بعد ,,,,,

                            عشوقة بنفاذ صبر : بخبرج الحين بالله شلون توثقين في هاي اللي ما تنطرى ؟؟؟؟

                            فطوم و هي تصيح : بعد شسوي رفيجتي الوحيدة و ما كنت اعرف اصلا باللي تسويه

                            جان و الله من زمان خليتها ,,,,

                            عشوقة تلومت فيها قعدت تطالعها كسرت خاطرها : انزين الصورة بس شافاها صبي واحد ؟

                            فطوم : اي

                            عشوقة : و الصور عند هاي عبيرو صح ؟

                            فطوم : اي

                            عشوقة : خلاص انا بتصرف بس هاه لحد يعرف عن الموضوع و انتي هدي لا تبينين لاحد اي شي

                            عشوقة : انزين اهي شلون قالت لج عن السالفة كلها ,,, يعني في وين شفتيها ؟

                            فطوم : ما بتصدقين بس اهي يايه نيويورك بس عشاني ,,, لان انا قلت لها بنسافر نيويورك ,,,

                            عشوقة : يا قواة الويه بسسس ,,, لا حول و لا قوة الا بالله العلي العظيم ,,, ابي رقمها

                            فطوم بخوف : شبتسوين ؟

                            عشوقة : لا تخافين بفكج منها ,,, روحي نامي الحين طالعي روحج و الله كانج ساحرة هههههههههه

                            فطوم : ههههههههههه هذا وقته و الله انج متفرغة

                            عشوقة : و الله مادري عنج انا قلت لج رقدي و لا تخافين دام انا في السالفة بخلصها بسرعة ,,,

                            فطوم : مادري انا خايفة

                            عشوقة : صلي على النبي

                            فطوم : اللهم صل على محمد و آل محمد

                            راحت تنام بعد ما شكرت عشوقة بامتنان على وقفتها وياها بس ما بترتاح الا اذا خلصت السالفة

                            عشوقة تضحك بسخرية في خاطرها : هههه و الله حالة هذا الا كنت خايفة منه انا ما راح اوثق في

                            اي احد

                            خصوصا البنات و الله بروحي

                            متعقدة منهم شهالاشكال عافانا الله ,,

                            فالحين في الموضة و الستايل و الميك اب ,,,,,

                            هذا اهو و الله ,,,,,

                            على فكرة حبيت اقول لكم ان اللي صار في فطوم قراته في قصة في احد المنتديات و حبيت انقله

                            لكم ,,,,,

                            و يمكن هالقصة حقيقية من يدري ؟

                            قعدت تفكر في السالفة وااايد ,,,, اهي بتفك بنت خالها من هاي عبيرو و اهي متاكدة ان ما

                            راح تخذلها ,,,

                            ترى هذا من الواقع محد يقدر يوثق في اي احد الحين ,,, و ياما قصص سمعناها و قريناها

                            عن هالاشياء ,,,,

                            لكن شنقول احنا ؟؟؟؟ هذا زمن بالله ؟؟؟ مملوء بالفساد ,,,

                            ارفعــــــــوا أصواتكم بالدعاء اللهم عجل فرج قائم آل بيت محمد .. ع ..

                            توقعاتكم للجزء 17 ,,,

                            شراح يصير بين عشوقة و عبير ؟

                            هل من الممكن يصير شي جادي حق فطوم ؟

                            الاهل و البنات بيدرون بالسالفة ؟

                            ترقبـــــــــــــــوا الجزء 17 قريباً جداً

                            تعليق


                            • لااااااا.. حسافة خلص الجزء بسرعة ..
                              .
                              .
                              صراحة ..جزء يعور القلب... وذكرني بمواقف حزينة وذكريات وايد ..
                              مرت علي ..

                              وأتمنى من الله انها ما تتكرر ...

                              ما اقول إلا.....

                              شكراً لج عاشقة ... على هالمواقف الي تستدعي الواحد انه يوقف عليها ..
                              بلحظات صمت ... مؤلمة
                              واسترجاع هذي الذكريات ....

                              soosaa

                              تعليق


                              • شكرا على القصة صراحة قطعتيه في الجزء المشوق

                                تعليق

                                المحتوى السابق تم حفظه تلقائيا. استعادة أو إلغاء.
                                حفظ-تلقائي
                                x
                                إدراج: مصغرة صغير متوسط كبير الحجم الكامل إزالة  
                                x

                                رجاء ادخل الستة أرقام أو الحروف الظاهرة في الصورة.

                                صورة التسجيل تحديث الصورة

                                اقرأ في منتديات يا حسين

                                تقليص

                                المواضيع إحصائيات آخر مشاركة
                                أنشئ بواسطة وهج الإيمان, 30-06-2020, 04:51 AM
                                ردود 0
                                11 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                يعمل...
                                X