إعـــــــلان

تقليص
لا يوجد إعلان حتى الآن.

عشوقــــــــة و مذكرات عــــــــــــائلة

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #91
    لجنة الاستقبال ,,,, قمر 14 شكراً على المرور ,,,,,,

    الله يعطيكم العافية ,,,,,

    تحاياي السكرية

    تعليق


    • #92
      يا عيني على المغامرات والأكش


      بس صج أنا ماعندي سالفه .. يعني الناس حالتهم حاله ..

      وأنا ساحب عليهم وقاعد أصور ههههههههههههه

      بانتظار الجزء القادم ،،

      يعطيج العافيه أختي

      تعليق


      • #93
        أهليــــــــــــــن الكوثر ,,,,,,

        هههههههههههههههههههه شدراني فيك

        شكراً على المرور ,,,,,,

        اكيد تنتظرون الجزء صح ؟

        احم الله يسلمكم الجزء مأساوي شوي تحملوا الله يخليكم و لا تتضايقون لان لازم اكتب هالجزء ,,,,,

        و قلت لكم انا ماراح اذبح احد او اخلي القصة مو حلوووة بالعكس هالشي بخليها افضل ,,,,,

        يعني باختصار حتى لو ما راح يعجبكم الجزء مثل ما قالت سوسا لازم اكسر روتين القصة

        شووووي مو معقولة فيه حياة واقعية جذي ,,,,,

        لان حياة كل واحد اكيد فيها مشاكل و احزان ,,,,,

        لكن في النهاية يظل الأمل ,,,,,,,,,,,,,

        فأنا لا أذوق طعم العيش لو لا فسحة الأمل ,,,,,

        و بعد شوي الجزء ,,,,,

        استمتعــــــــــــــــــــوا ,,,,

        تعليق


        • #94
          الجــــــــــزء 13 ,,,

          ليلى : عطوني اشوف

          ليلى : هههههههههههههههههه حلوة ,,,,,

          عشوقة تطالعها بطرف عينها : يمــــه بس عاد ,,,

          ليلى : ههههههه اوكي اوكي ,,,,

          قعدوا الشباب و البنات يسولفون ويه بعض و كل واحد يتكلم عن نفسه ,,,, ظلت تسمعهم و تضحك على

          حركاتهم ,,,,

          فجأة ,,,

          ناصر : شفيج عشوقة ساكتة ؟

          عشوقة : ما عندي شي اقوله ,,,

          ناصر : بلى قولي شنو كنتي تسوين في المدرسة ,,,,

          تغيرت ملامحها ,,, و ظهرت لمحة الحزن بعيونها ,,,,

          * على فكرة كل المواقف اللي راح اكتبها الحين حقيقية و صارت لي شخصياً ,,, انا ما اطلب

          المستحيل بس ابي منكم اذا بتعلقون على الجزء لا تتضايقون اوكي ؟ ,,,,,

          عشوقة اخذت نفس لفح جسدها النحيل : تقصد مأساتي ,,, ما عندي شي اقوله ,,, بس دام انك مصر بتكلم ,

          ما بتتصورون شكثر شخصيتي ضعيفة و مهزوزة جذي ,,,, بتقولون لا اكيد تمزحين احنا ما نشوف شي

          يبين لنا انج ضعيفة ,,,, كانت فيه شلة دائما تضايقني من يشوفوني يسوون حركات و كنت انا ما اقول

          شي و لا اشتكي عند المشرفة بس اظل ساكتة ,,,,, كانوا وياي في الابتدائي صرت وياهم في جم صف

          و حتى في الاعدادي ظلوا وياي بس مو كلهم يعني كل وحدة في صف ,,,, كانوا من يشوفوني يسالوني

          انتين للحين ما متين !!!!!!!!!! قلت لكم يمكن ما تصدقون ,,, بس بكمل في 2 اعدادي كانت فيه

          وحدة جديدة منضمة للشلة اسمها روان ,,, كانت طيوبة و حبوبة وايد صرت زميلتها يعني مو

          صديقتي لان انا طبعي جذي ما احب احد يتقرب مني ,,,,

          ناصر و على ويهه علامات الاهتمام : انزين كملي ,,,

          عشوقة : انزين في اوقات الفراغ كنت اروح اقعد وياهم مو عشانهم بس عشانها لاني دائما

          كنت اقعد بروحي ,,,, في اوقات الفراغ في المدرسة كلهم يسولفون و يسوون اشياء وايد انا اظل

          بروحي ,,, لكن قررت اقعد وياهم حتى لو ضايقوني انا ما احمل في قلبي على احد ,,,

          كنا نلعب لعبة الاسماء اذا طلع 3 اسماء نفس الشي تحط ايدك بسرعة و تفوز ,,,

          بنوتة : اي اي نعرفها كملي ,,,

          عشوقة : ما ادري شسويت و ما اعتقد سويت غلط في اللعبة او شي بس ما وعيت الا كف على

          ويههي ,,, وحدة اسمها زينب صفعتني هاي كانت ما تدانيني بالمرة ,,,

          ظليت منذهلة ,,, شسويت انا ؟؟؟؟؟؟ كانت تضحك باستخفاف و روان كانت تطالعني بشفقة

          روان : طالعي شسويتي في البنية حرام ,,,,, مسكينة

          ظلت الدمعة محبوسة في عيوني انا ماحب احد يطالعني بنظرات شفقة جذي ,,,,,,, انتو بتقولون جان

          ضربتيها بعد او اشتكيتي عند المشرفة ,,,, بس انا مو من هالنوع الله يسامحها ,,,,,,

          بنوتة و المخلصه و سوسا متاثرين ,,,,,

          عشوقة : هذا ولا شي ,,,, ( سالت دمعاتها ) في 3 اعدادي في حصة العربي كل ما يعطونه تعبير و بعد ما

          نخلص من كتابة الموضوع المعلمة دائما تمدح كتاباتي تقول اني مبدعة و جذي ,,,, في 3 اعدادي كانت

          وياي وحدة من هالشلة في البداية كانت مثل زينب ما تدانيني ,,,, بس بعدين قعدت تتقرب مني شوي شوي

          حتى عطتني ايميلها و تقدرون تقولون ان لنا رفجة يعني مو اصدقاء ذاك الزود زملاء لا اكثر لا اقل

          كان اسمها جنان ,,,, في يوم من الايام قالت لي على المسنجر ان صديقتها ( زينب ) الا اهي بنت عمها في

          الواقع عندها موضوع صعب شوي ,,, و قعدت تحن على راسي كتبي لها موضوع و جذي ,,,

          اصرت و كتبت الموضوع ,,, و لحسن حظي ان المعلمة اندهشت

          باسلوبي و حطت لها علامة مرتفعة ,,, و عن يا زعم صارت طيبة وياي

          في اليوم الثاني

          كنت امشي ويه بنت عمي قلت لها السالفة ,,, عن التعبير و جذي

          قالت لي بتهكم و عصبية : عشوقة يعني ما تقدرين تقولين لها لا هذي ....

          حز في خاطري يعني شنو الحين انا الغبية ؟ انا اللي يستغلوني عشان يسوون اللي يبونه ,,,

          انا كتبت سهرت على الموضوع و تعبت عليه بنية صادقة و الله يشهد على هالشيء بطيب خاطر و لا كأن

          شي صاير ,,,,,,,,

          في كل حصة عربي كل بنات الصف يتيمعون على طاولتي كتبي لنا و كتبي لنا ,,,, كلهم يبون مصلحتهم

          لا تذكروني بالهم اللي عشته هناك بتقولون لا تبالغين عشوقة ,,, بقوللكم اذا ما تصدقوني

          خلكم مستعدين عشان اكمل لكم لو شوي من هالمأساة ,,,,,,

          ناصر : صلي على النبي ,,, ما يسوى عليج ,,,,

          عشوقة : شتبوني اقول ؟ شتبوني اقول ؟ مادري اذا كانت شخصيتي الضعيفة اللي تخليني اتاثر

          باقل شيء او غبائي الزايد ,,,,,,

          بنوتة معصبة : منو اللي يقول ان انتي غبية هاه ؟ يخسي اهو و اللي يابوه بعد لا تسوين

          جذي في عمرج عشوقة خلهم يولون ,,,,,

          عشوقة تنهدت : خليني اكمل ,,,, الله يسلمكم كان فيه طلاب يدرسون في مدرستنا ذلاك اللي ما

          يشتغلون يدربونهم ,,,, عشان يكونون مستعدين حق الشغل يابوهم مدرستنا ,,, اذا خلص دوامنا احنا البنات

          اهم يبتدون دوامهم للساعة 9 في الليل ,,,, انزين و كل يوم نروح نشوف طاولاتنا معفسة و الصفوف

          مخربينها و جذي ,,,, فيه ويانه شلة عجم ,,, انزين كانوا كله يتطنزون على الاولي و التالي ,,,

          مرة يت لنا معلمة العلوم و قالت بتاخذنا حصة المجالات ,,, عاد البنات لاعت جبدهم ما يحبون هالحصة

          بالمرة ,,, اهو كان علينا علوم الحصة الخامسة بعد و اخذتنا الحصة الاولى يعني حصتين في اليوم ,,,

          شلة العجم كانوا معروفين عند المعلمات انهم مشاغبات و جذي قبل لا تيي المعلمة اخذوا ماي و

          كتوه على السبورة و اخذوا المماسح و لعوزوا السبورة كلها ,,,, صارت تحفة ...

          يوم يت المعلمة كان شكلها يكسر الخاطر كانت تترجاهم يقولون منو اللي سوى جذي بس محد

          تجرا يتكلم و كانوا مهددين بنات الصف كلهم اللي بيتكلم براوونه شغل الله ,,,,

          انا ما تكلمت لكن حسيت بالذنب لاني اعرف منو اللي سوى جذي و ما قلت شي ,,,,

          في البريك البنات كانوا يتكلمون عن المعلمة شلون كسرت خاطرهم و جذي انا قلت لازم اعتذر

          للمعلمة ,,,

          بتقولون غبية ليش تعتذرين و انتي ما سويتي شي ,,, لا انا بعتذر لاني كنت اعرف و ما

          قلت لها ,,,,, و كنت متاكدة انها ما راح تشك فيني لاني ما سويت شي هذا واحد ,,, ثاني شي

          انا هادئة وايد و دائماً بروحي في الصف ما بتشك في وحدة مثلي ,,,,

          اعتذرت لها و عيزت مني تبي تعرف من سوى في السبورة جذي بس

          انا قلت لها ماعرف ,,,,,,,,,

          انزين قلت للبنات ,,,,

          الا وحدة تقوللي : ويــــــــــــلي جانزين ما تكلمنا مسويه روحج طيبة ليش اعتذرتي للمعلمة ؟

          عشوقة : ......................

          البنت : انا مالي كار انشاء الله تتهاوشون تتذابحون ويه شلة العجم خلوني في حالي

          بنت ثانية : هههههه و منو قاللج بنتهاوش وياهم هاه ؟ هاي بس عشوقة عن يازعم الطيبة

          اهي اللي بتتهاوش وياهم ,,,,

          عشوقة : اي بس انا ما قلت للمعلمة عنهم ,,,

          البنت : هههههه ما يخصنا و الله ,,,,

          ردت بنت ثالثة : ههههههههههه ما اقول الا خل طيبتج تنفعج ,,,,,

          عشوقة ردت تكمل و دموعها مو قادرة توقف : كنت اعرف في قرارة نفسي اني غلطانة لكن كنت

          اعرف اني

          صح ,,,,,,,

          قامت و قعدت تركض راجعة للهوتيل ,,,,,,

          الصدمة مرسومة على ويوههم ,,,, لهالدرجة عشوقة تعاني ؟؟؟؟؟؟؟؟؟؟؟؟؟

          توقعـــــــــــــــــاتكم في الجزء 14 ,,,,

          و الله يوم انا قاعدة اكتب البارت دموعي تنزل فتحتوا جروح عميـــــــــــقة و ذكريات مؤلمة ,,,,,,

          بس اطلب منكم طلب ادري يمكن ما يعجبكم البارت لأن مأساوي لكن ما ابيكم تتضايقون بليز

          بليز ,,,,,,,

          تحاياي السكرية















          تعليق


          • #95
            قلت لكم انا ماراح اذبح احد او اخلي القصة مو حلوووة بالعكس هالشي بخليها افضل ,,,,,

            يعني باختصار حتى لو ما راح يعجبكم الجزء مثل ما قالت سوسا لازم اكسر روتين القصة

            شووووي مو معقولة فيه حياة واقعية جذي ,,,,,

            لان حياة كل واحد اكيد فيها مشاكل و احزان ,,,,,

            لكن في النهاية يظل الأمل ,,,,,,,,,,,,,

            فأنا لا أذوق طعم العيش لو لا فسحة الأمل ,,,,,

            الله كريمــــــــــ ,,,,

            تحاياي السكرية للجميع

            تعليق


            • #96
              شكرا على الجزء
              لكن انتي كنتِ المفروض ما تعصبين معاهم كثير لكن مو بهالطيبة
              و نتمنى الجزء القادم بفارغ الصبر نبي نعرف شنو صار لعشوقة

              تعليق


              • #97
                يا حيـاتي يا عشوقة ..

                جزء مؤثر حيــل ...
                أتمنى تكونين أرقى وأرفع من هذيلا البنات ...
                اللي ما يستاهلون منج حتى كلمة

                أما الجزء 12 ...
                ابــــداع ...

                ننتظر الجزء القادم ...
                بمواقف حلوة .. وسعيدة .. وكلها أمل بالحياة
                وابداعات جديدة ..

                soosaa




                تعليق


                • #98
                  قمر 14 : انا ما عصبت ,,, اعصابي في ثلاجة بارد ,,,,,,, شكراً على

                  المرور ,,,,

                  سوسا : أهليــــــــــــــن سوسا ,,, هههههههه صدقتي و الله ما يستاهلون مني كلمة ,,,,

                  مشكورة الغلا على المرور ,,,,

                  لا خليت ,,,,

                  بعد شوي راح احط الجزء 14 ,,,,,,

                  تحاياي السكرية

                  تعليق


                  • #99
                    ياهلا يا هلا بأديبة الشرق الأوسط

                    تكفيييييييييييين كملي القصة يالغالية

                    تعليق


                    • الجـــــــــــــــــــــزء 14



                      قعدت تركض بلا اتجاه ,,,,

                      و شوي شوي كانت تبتعد اكثر و اكثر ,,,,

                      حتى اختفت عن الانظار ,,,,,,,

                      كان بيركض وراها خايف عليها الا أن يد ناصر كانت أسرع و قال له يقعد , لا ن ما فيه فايدة من

                      هالشي

                      محمد : بس يوبا بروحها ,,,,

                      ناصر : لا تحاتي عندها الموبايل مالها ,,,,

                      محمد : شلون انت تتكلم براحة جذي ؟؟؟؟ لا يكون تحسب ان احنا في البلاد ؟

                      علي : صل على النبي يا بو ناصر ,,, ترى معاه حق ,,, خلها بروحها شوي ,,,

                      محمد : .................

                      يوم اتاكدت ان ما يقدر احد يشوفها ,,,,, خلت راسها متوسد العمود اللي كان على أحد أرصفة

                      الشوارع ,,

                      ما تقدر تشوف شي صارت المدينة ضبابية بسبب الدموع اللي اعلنت التساقط سرعان ما سقطت

                      لتتبعها

                      دموع أخرى تجري على خدها الأسيـــــــــــــــــل ,,,,,,,

                      و ظل الحزن يرفرف على حنايا وجهها الملائكي ,,,,,,

                      مسحت دموعها و رفعت راسها للسمى ,,, هناك استقرت كرة ثلج باردة على جبينها مسحتها

                      بصبعها ,,,

                      و هي تبتسم ,,,,, الطبيــــــــعة كفيلة بأن تمتص الثورة التي تجتاحنا في قلوبنا ,,,, انولدت ابتسامة

                      جديدة

                      في ذاك الوقــــــــــــــت تحمل في طياتها شعاع و بريق الأمل ,,,, انطلقت هالابتسامة و ظلت مرسومة

                      على

                      ثغرها بكل فرح ,,,,,, رفعت راسها للسمى مرة ثانية و هي تردد بخشوع دب في جسدها مرة وحدة

                      و خلاها تحس بالدفء الحمد لله الحمد لله على كل حال ,,,,,,,

                      من اهي عشان تحزن ؟ ماكو حزن دام الله موجود ,,,,,,, تنسمت الهوى البارد و هي تلف الشال

                      على رقبتها

                      و ظلت تمشي بروحها تذكرت انها ما شربت نسكافيه ,,,, دخلت الكوفي شوب و طلبت لها كابتشينو

                      هالمرة

                      و اخذت مافين

                      و قعدت تمشي بروحها ,,,,, مستمتعة بجمال الطبيعة اللي يأسر القلوب ,,,, النسائم الباردة اللي

                      تلاطف

                      خدودها المتوردة بسبب البرد ,,,,, أو الثلوج المتراكمة اللي تنتشر في المكان ,,, رشفت رشفة من

                      الكابتشينو بحذر ,,,, لكنها قعدت تضحك بغنج لان الرغوة ظلت على زاوية ثغرها مسحته بالمنديل ,,,

                      و هي تضحك اكثر و اكثر ,,, و كانها طفلة صغيرة ,,,, ظلت تمتع نفسها بمنظر الطبيعة الممزوج مع

                      الابنية

                      الشاهقة اللي تتميز بها نيويورك ,,,, متناسية كل شي ممكن يخرب عليها هذا الجو اللذيذ ,,,

                      راحت السنترال بارك ,,,,, و ظلت عيونها تدور عليه ,,,, فجأة شافته ,,,, و قعدت تركض متجهة

                      صوبه ,,,,,,



                      عشوقة بفرحـــــــــة : جوزيف ,,, مرحباً ,,,,

                      حس ان هذا الصوت مألوف رفع راسه شافاها فابتسم بفرحة أكبر : مرحباً ......

                      عشوقة و هي تمد ايدها و تضحك : ههههههه أعتذر ,,, نسيت أن أخبرك أنا عشوقة ,,,

                      جوزيف : مرحباً بك ,,,,

                      عشوقة : كيف حالك ,,,,

                      اعتصر قلبه لهالسؤال لكنه ظل مبتسم : بخير و أنت ؟

                      عشوقة : أنا بخير ,,, أنظر ماذا أحضرت لك ,,,,

                      مدت يدها بالكيس اللي كان مملوء بالحلاوة و الككاو ,,,,,

                      جوزيف أخذ الكيس ,,,,,,,,

                      و ارتسمت ابتسامة واهنة على شفتاه ,,,,

                      حست فيه عشوقة ,,, و أخذت ايدها تطبطب على ......

                      ما قدر يمنع نفسه حضنها بقوة و هو يصيح ,,,,

                      و هي ما رفضت بالعكس ضمته لها و الاشششش تطلع من ثغرها بكل حنية ,,,,

                      عشوقة : اشششش لا عليك هدىء من روعك عزيزي اشششش

                      جوزيف و هو يبتعد عنها و الخجل طغى على أي مشاعر ثانية

                      طالعته كانت خدوده متوردة بسبب الخجل ظلت تضحك عليه ,,,,

                      عشوقة : لقد وعدتك أنني سآتي و أزورك كل يوم ,, لذا ها أنا ذا ,,,,

                      جوزيف و دمعته تنزل بألم : ........

                      عشوقة مسحت دمعته بصبعها : عزيزي سأكون هنا دائماً لن أتركك أبداً ,,,,,,,

                      جوزيف : أتعدينني ؟

                      عشوقة رفعت يدها بطريقة مضحكة و بملامح جامدة : أعدك

                      جوزيف : ههههههههههه

                      ضحكت وياه ,,,, و قعدت تطالع هالياهل اللي صوبها شكثر أثرت فيها هالضحكة ,,, و خلتها

                      سعيدة ,,,,

                      عشوقة : أوه لقد تأخرت ,,,, الى اللقاء الآن

                      جوزيف : الى اللقاء ,,,

                      عشوقة و هي تلوح بيدها له من بعيد : اعتن بنفسك جيداً ,,,,

                      جوزيف بابتسامة : حسناً ,,, و أنت أيضاً ,,,,

                      ابتسمت له و قعدت تمشي بسرعة حتى وصلت للمكان اللي كانوا قاعدين فيه اخوانها ,,,,


                      عشوقة من بعيد تركض ,,,,,,

                      و هي تطالع الارض عشان لا تتعثر بقوطي او اي شي ثاني هالمرة و ما انتبهت للعمود اللي

                      دعمته هههههههههه ,,,

                      المخلصه و هي تقوم تركض صوبها : هههههههههههه

                      عشوقة الدموع تنزل من عيونها بسبب الدعمة ,,,,

                      المخلصه تيود جبينها : اشوف عوراج

                      عشوقة : مو وايد هاج يبت لج مافين

                      المخلصه : هههههههههههههههه ,,,,,, شكراً ,,,

                      عشوقة حاطة ايدها على جبينها بالم : ههههههههه آآآآآآآآي

                      محمد : يوبا شلون تروحين الكوفي شوب بروحج ؟

                      عشوقة : بسس

                      محمد طالعها بنظرات صارمة : آخر مرة

                      عشوقة بوزت : لا تخاف يوبا ,,, آخر مرة

                      ناصر يضحك عليها : هههههههههههههه اما صج روعة ذيك المرة قوطي و الحين العمود

                      باجر الله يستر ,,,

                      بنوتة : ههههههههههههههه اي و الله ,,, الحمد لله على نعمة العقل ,,,,

                      عشوقة تكتم الضحكة عن يا زعم معصبة : هذا الا فالحين فيه بس تتطنزون على خلق الله

                      ناصر : هههههههههههه نمزح وياج

                      عشوقة تبتسم : ادري ,,,, لجنة الاستقبال تدري منو شفت ؟

                      لجنة الاستقبال : لا يكون ....

                      عشوقة : بالضبط

                      لجنة الاستقبال : حلففففي

                      عشوقة : هههههههه صج

                      لجنة الاستقبال : في وين

                      عشوقة : في نفس المكان

                      لجنة الاستقبال : ابي اشوفه ,,,,

                      عشوقة بنبرة حزينة : ما اعتقد يمكن راح البيت و احنا لازم ما نروح مناك عشان لا تمنعه مرة ابوه

                      من الطلعة نهائيا

                      لجنة الاستقبال بنفس النبرة : اي و الله

                      ناصر : عن شنو تتكلمون ؟

                      عشوقة بغباء سوت روحها تضحك : ههههههههههههههههههههههههه لا لا مستغربين شايفين

                      هندي اهني و قاعدين نلحقه

                      ناصر : هههههههههههههههههه ويلي على الغباء يعني ما تدرون ان الهنود محتلين كل مكان

                      لجنة الاستقبال : لا و الله ما ندري هالمرة مو على سيكل ,,, موستانغ الله يغربل بليس ,,,,

                      ناصر : احلف

                      لجنة الاستقبال : ههههههههههه صدقني

                      ناصر : اذا شفتوه قولوا لي ,,,,,,,

                      سوسا : انا بعد ابي اشوفه

                      بنوتة : هههههههه شنو اول مرة تشوفون هندي في موستانغ ؟؟؟؟؟؟؟؟؟

                      سوسا : هههههههه لا بس عشان نصوره و نقعد نضحك

                      المخلصه تاكل مافين

                      المخلصه : من يبي مافين فيه وايد

                      لجنة الاستقبال : بارد ؟

                      المخلصه : لا لا ساخن

                      لجنة الاستقبال : ابي على فواكه فيه ؟

                      المخلصه : يود

                      عشوقة تغمز حق لجنة الاستقبال ,,,,,,,

                      توقعــــــــــــــــــــــــاتكم للجزء 15

                      تحاياي السكرية

















                      تعليق


                      • ههههههههههههههههههه

                        مرة حلو الجزء

                        عيل دعمتين بالعمود ههههههههههههه مرة ثانية حطي بالج

                        وننطر باقي القصة بفاااااارغ الصبر

                        تعليق


                        • هههههههههههههههه اي

                          انشاء الله

                          مشكورة الغلا عالمرور الطيب

                          لا خليت ,,,,

                          اذا الله اراد و كتبت الجزء اليوم راح احطه و لا يهمكم

                          تحاياي

                          تعليق




                          • جزء .. ما عليه كلام ..

                            بس توقعاتي .....
                            ...
                            إن الأهل راح يدرون بسالفة جوزيف
                            وما راخ يخلون عشوقة تروحله
                            ...
                            و soosaa راح تضيع بنيويورك

                            شكراً عشوقة .. عالقصة الروعة

                            تعليق


                            • الحقيقة قصه ولا أروع

                              اليوم قرأت 5 أجزاء

                              وكل ما أخلص جزء تجي في نفسي حاله تخليني لازم أقرأ الجزء الذي بعده

                              وانشغلت وماقريت الباقي ،،، إنشاء الله أقراه بعدين

                              المهم

                              مشكوووووووووووووووووورة على الجهد الجبار

                              تعليق


                              • صباح الخير و الورد و الجوري ,,,,,

                                أخباركم ؟ شمسوين ؟

                                سوسا : ههههههههه مشكورة على الرد الطيب اتمنى تكون توقعاتج صحيحة باذن الله

                                jaszair : مشكووووووور على الرد اخوي و انتظر تعليقاتك على القصة ,,,,,,,,,

                                سلمت أناملكم ,,,,,

                                نسيت اخبركم ههههههههههههه

                                متباركين بالمولد و عسى ايامكم كلها افراح و مسرات قولوا آمين ,,,,

                                تحاياي السكرية
                                التعديل الأخير تم بواسطة عاشقة اهل العترة; الساعة 16-07-2006, 10:30 AM.

                                تعليق

                                المحتوى السابق تم حفظه تلقائيا. استعادة أو إلغاء.
                                حفظ-تلقائي
                                x
                                إدراج: مصغرة صغير متوسط كبير الحجم الكامل إزالة  
                                x

                                اقرأ في منتديات يا حسين

                                تقليص

                                المواضيع إحصائيات آخر مشاركة
                                أنشئ بواسطة وهج الإيمان, 16-10-2019, 06:35 AM
                                ردود 0
                                42 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                أنشئ بواسطة وهج الإيمان, 16-10-2019, 04:10 AM
                                ردود 0
                                21 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                أنشئ بواسطة مروان1400, 15-10-2019, 06:11 AM
                                ردود 0
                                52 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                أنشئ بواسطة وهج الإيمان, 22-10-2018, 01:15 PM
                                ردود 0
                                1,242 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                أنشئ بواسطة وهج الإيمان, 13-12-2014, 04:40 AM
                                ردود 5
                                4,526 مشاهدات
                                0 معجبون
                                آخر مشاركة وهج الإيمان
                                بواسطة وهج الإيمان
                                 
                                يعمل...
                                X