مشكوووووووووووووووووووووورين على الردود ياعاشقة

فديتج والله

عشوقة ترى آنا اتصلت لج هاه بس محد يرد علي

&&الفصل السادس&&

جاءت نوره الى ساره في غرفتها كما قلنا قبل الزفاف بليلة واحده .....تطرق الباب ...
نوره : مرحبا ساره انتي صاحيه ما نمتي ؟؟؟
ساره : هلا نوره حياكي ..من اللي يجيه النوم ؟؟؟هههههههههههه
نوره: أي والله صادقه . الله يوفقك يا رب .
ساره : الله يسلمك .
نوره : تحتاجين شي . ؟؟
ساره: لا سلامتك خلصت تقريبا . بعدين انتي اللي يشوف كرشتك وين يطلب مساعدتك هههههههههههههه
نوره : هههههههههههههه الله يسامحك يا ساره ....طيب يعني بكرا نشوفك .
اصطبغت لون خدود ساره بالاحمر ..ونظرت الى الاسفل .
نوره: يحليلك استحيتي ؟؟طيب انا صراحه جايه اقولك الله يعينك يا رب .
ساره: الله يعيني ؟؟؟ ليه انا رايحه حرب ههههههههههه
نوره : والله صراحه اكبر من الحرب يا ساره .
ساره : ليه الزواج يخوف كذا .
نوره: صراحه مدري وش اقولك . انما شايفتك الحين والفرحه بعيونك وماودي اخرب السعاده هذي انتي راح تكتشفي كل شي لحالك .
ساره : تخربين السعادة ؟؟؟؟ اكتشف كل شي ؟؟؟ نوره ترى كلامك صاير الغاز شسالفه فهميني ؟؟
نوره : سلامتك خلاص مافي شي . يلا تصبحي على خير .
ساره : لا حبيبتي انتي ما تفجري القنبله وتروحين تعالي انا احلفك تقولين الصراحه وكل شي عندك .
نوره : لا حول ...يعني لازم تحلفين ...طيب امري لله .
ساره : قولي يا نوره انا مثل اختك واكيد ما تخبين أي شي علي .
نوره : اكيد ولو انك مو مثل اختي كان ما جيت هنا هذه اللحظه .
ساره: طيب قولي وش عندك ..
نوره : انتي تعرفين يا ساره انك داخله على حياه جديده ..وكل حياه فيها الحلو والمر .
ساره : ما فهمت وش قصدك .
نوره : طيب قصدي انك راح تتزوجي رجال وكلنا هنا ما نعرف ازواجنا عدل الا بعد الزواج صح ؟
ساره: صح .
نوره : عشان كذا لا تتضايقي لما تشوفي ان الصورة الحلوة اللي رسمتيها لزوج المستقبل ممكن يكون فيها تغييير ومرات تغيير بسيط وهذا عادي ولكن مرات تغيير كبير وهذا اللي الله يستر منه .
ساره: انتي قصدك محمد ممكن يكون فيه شي . ؟؟؟
نوره : شوفي ساره انتي مو صغيره ماشالله عليكي 19 سنه عشان كذا انا بكون صريحه معاكي . ترى محمد مو مثل ماانتي متوقعته انه رجال شريف ورزين وتقي وماشالله عليه صدقيني مافي احد كامل .
ساره : ليه انتي شايفه عليه شي ؟؟؟
نوره : قولي اشياء مو شي .
ساره : معقول .!!!!!!
نوره : ساره انا ابيكي توعديني وتحلفي انك اولا ما تزعلي وثانيا ما تقولي الكلام اللي بقوله لك لاحد.
ساره : اوعدك واحلفلك بالله . بس قولي خوفتيني .
نوره : صراحه انا اغلب معلوماتي من بنت خالكم علياء لااني انا شخصيا ما اعرف محمد . بس للاسف سمعت عنه اشياء مو زينه . اذا ما تدرين ترى محمد تقريبا كان يجي الكليه عندنا على طول وفي بنات طايشه بالكليه يقولون انهن على علاقه معاه وانه عنده مليون صديقه . وانه اعوذ بالله يشرب خمره وما يلتزم بالصلاه ومغازلجي درجه اولى هذا اللي سمعته .
ساره بذهول : مستحييييييييل محمد يكون كذا .
نوره : انا بعد ما صدقت اول شي ......بس صراحه في شي اكدلي كلامهن .
ساره : وشو ؟؟؟؟
نوره : اخوكي عبدالله .
ساره : اخوي عبدالله ؟؟؟؟؟مستحيل هذا صديق عمره .
نوره :عشان كذا انا حلفتك ما تقولي لاحد . خصوصا عبدالله تراه حلفني مااقولك شي وتنصدمين انتي بس انا ما رضيت واذا قلتيله أي شي من الللي بقوله راح تعملين مشاكل بيني وبين اخوكي وانتي ما ترضييين ولا تنسين اللي ببطني حرام وش ذنبه .
ساره: انا قلتلك ما راح اقول لاحد شي بس كملي .
نوره : طيب امري لله ...صراحه انا سألت عبدالله عن محمد وقلت اني سمعت عنه سوالف ..عبدالله رد علي وقال ان هذا ولد خالته ولازم يستر عليه وانه مالقى احسن منك يا ساره تهدينه وتعقلينه . وبعدين هو ما يبي ولد خالته يتبهدل مع ناس ثانيين ممكن يفضحونه اذا تزوج منهم لكن انتي قال انك عاقله وانك قد المسؤولية
وراح تخلينه احسن رجال ان شاء الله . وعشان كذا انا قلت الله يعينك وديري بالك على حالك ولا تخلينه يدخلك باي نوع من انواع المعاصي معاه . اوكي حبيبتي .
ساره ترد وهي ذاهله وفي عالم اخر يملأها الالم : اوكي تسلمين يا نوره على انك فتحتي عيوني وقلبي قبل ما انخدع . تسلمين صحيح انك اخت وفيه .
نوره : انا ما سويت الا واجب الاخت على اختها . يلا تصبحين على خير حبيبتي بكرا وراك شغل جامد .
ساره : وانتي من اهله . الله يعين .
تغادر نوره الغرفه بعد ان زرعت اشواكها السامه في قلب ساره الرقيق ووضعت اول عقبه في طريق ساره قبل ان تبدأ هذا الطريق وذلك لانها حاقده عليها وكارهة لها السعادة وهذه كانت فكرتها وفكره علياء ,,,وللاسف كان كلام نوره مقنع واستطاع انفوذ الى قلب ساره والتعمق فيه .
.............................. .............................. .............................. .....................
بدأ الصباح ودخلت ام عبدالله غرفة ساره لتوقظها ....ووجدتها مستيقظه تحملق الى سقف غرفتها وعيونها حمراء بسبب البكاء اضافة الى الهالات السوداء التي ظهرت بسبة قلة النوم .
ام عبدالله : ساره حبيبتي انتي صاحيه ؟؟؟
ساره : هلا يما ايه ماقدرت انام .
ام عبدالله : ليه عسى ما شر حبيبتي ؟؟؟
ساره : سلامتك يما بس يمكن لاني خايفه ومابي افقدكم .
ام عبدالله : سمالله عليكي يا بينتي ماراح يصير الا كل خير ان شاء الله .
ساره تهمس بقلبها (( أي خير يا يمه ليتك تدرين بس اهه)).
ام عبدالله : لا قومي الحين واستحمي يا بنيتي وصلي ركعتين ...بعد شوي راح يوديكي عبدالله الصالون .
ساره : أي والله الصلاه احسن شي اليوم ....الله يعين .
ام عبدالله : انا بروح اجيب الفطور عشان تقدرين تتحملين اليوم هذا ..والله وشفتك عروس يا سارونه .
ساره : لا تعبي حالك يا يمه مااقدر اكل شي حاسه ان نفسي مسدوده .
ام عبدالله : لا لازم تاكلي لو اوكلك غصب يعني راح تاكلي .
ساره : كيفك بمه بس صدقيني لا تعبي حالك .
تمشي ساره تخرج من الغرفه لتستحم وقلبها مملؤء بالحزن من سم العقرب نوره الذي زرعته فيها . تستحم وتختلط دموعها مع حبات الماء على جبينها تبكي وهي تهمس وتقول ((لماذا بعد ان احببت ورسمت صورة جميله تمحى هذه الصورة بلحظه ....لما حظي هكذا ماذا جنيت ...كيف ابدأ حياتي بالكره بدل الحب ...لماذا لم امت قبل ان اتزوج ...واعيش على خدعه كبيره اسمها حب محمد ....يا ليتني لم اعرفك يا محمد وياليتك لم تكن ابن خالتي )).
في السياره عبدالله والى جواره نوره وبالخلف ساره .
عبدالله : اليوم يومك يا حلو . ولا ترد ساره بل اصبحت واجمه مرتدية قناع ثلجي جامد .
نوره : يوه مو وقته يا عبدالله ساره متوترة الحين ومو يمك صح يا سارونه ؟؟
ساره بصوت خالي من أي مشاعر: ايه ... صح .
عبدالله : ساره وشفيكي يا اختي مو هذه ساره اللي اعرفها كأني موديكي الى القبر مو الصالون ..ترى هذا زواج مو جنازه يا سارونه .
تبتسم ساره ابتسامه استهزاء وتهمس بقلبها (( ماشالله عليك يا عبدالله والله وتضبط التمثيل صح ..مسوي حالك مبسوط عشاني وانت اللي حطيتني بالموقف هذا كله ...وانت اللي تعرف انه قبر اللي بروحله ...وساكت وتخدعني بكلامك الحلو هذا وابتسامتك الزائفه ... الله يا الدنيا .))
عبدالله : ساره ...امانه ردي ابي اشوف اختي الصغيرونه اللي اعرفها ردي يالغلا ردي بكلمة من كلماتك الحلوة ..ابي نظره غير هذه اللي بعيونك ...
ساره : ما اقدر امثل يا عبدالله اعذرني .
عبدالله : ساره اكيد فيكي شي ...مو انتي ساره اللي خليتها البارح ...انتي متضايقه من شي ؟؟؟
نوره : يووووووه يا عبدالله انت شفيك على البنت حرام عليك خلها بحالها مو شويه اللي داخله عليه .
عبدالله : ادري بس ما يحتاج الحزن هذه كله انا اعرف ساره ....ساره حزينه يا نوره مو متوترة انا اعرفها من عيونها ...ساره تكلمي يااختي .
ساره تبدأ البكاء بصمت وهي غير قادرة على الكلام لانها ودعت نوره بعدم تهديم بيتها وتذرف الدموع بسكون.
نوره : شفيك عبدالله الله يهديك اكيد ساره زعلانه وحزينه مرررة بعد شرايك راح تفارقك وتفارق امك وهي اللي تعودت ما تخليكم ساعه وحده لحالكم.
عبدالله : صح كلام نوره يا ساره هذا اللي مضايقك ....؟؟.....ردي ....ردي يا سارونه .
ساره : ايه هذا اللي مضايقني يا عبدالله ولاشي غيره ..سلامتك يالغالي .
عبدالله : الله يسلمك ويسعدك ويحفظك ويوفقك يا رب .
نوره : ايه هذه الدعوات اللي تحتاجها ساره الحين .

.............................. .............................. .............................. .............................. .........

تدخل مي الصالون بعد ان انتهت من الترتيبات في بيتهم وتذهب مباشرة الى ساره بعد ان انتهت من وضع المكياج..
مي: ماشالله ..ماشالله قمر...... قمر .......بسم الله....ايش هذا كله .
ساره : هلا مي وينك تأخرتي .
مي : سلامتك بس تعرفي ترتيبات البيت وغيره . بس صراحه انتي طالعه قمر لا اله الا الله ..محمد راح يتجنن ..حرام عليكي يا شيخه اخوي مو حمل جمال زي كذا خفي عليه .
ساره((تهمس يعني ما يعرف بنات من قبل يعني ولا شافهن بمكياج وهو اربع وعشرين ساعه معاهن )) : خليك من هالكلام انتي متى راح تحطي المكياج ؟
مي : الحين بروح بس حبيت اسلم عليكي يا احلى عروس . وكان ودي اقعد معاك واوصلك بنفسي الصاله بس تعرفين امي وخالتي ما عندهن احد هناك بالصاله .
ساره : ما تقصرين يا مي بس نوره قايمه بالواجب واكثر الله يعينها مع انها حامل بالسابع بس ما قصرت .
مي : طيب انا اخليكي واشوفك بالصاله .
.............................. .............................. .............................. .............................. .
و في مكان اخر من المنطقه نفسها محمد يستعد ويتجهز لعرسه ويهمس لقلبه (( اخيرا وصل اليوم اللي بكحل عيوني بساره ...ساره زوجتي.... زوجتي ....زوجتي الله ما احلى هالكلمة .
راح اقدر اضمها والمس كفوفها ويجمعنا سقف واحد واعبر لها عن حبي لها وشوقي والجمر اللي ذاقه قلبي على ابعادها . الله يوفقنا يا رب .

تبدأ صيحات المعازيم والاصوات تتعالى والموسيقى تصدح في ارجاء الصاله ....الجميع مبسوط وفرح فاليوم زواج اجمل عروسين محمد الغالي وساره الحلوة ...
ام محمد تتنقل بين المعازيم مزهوة بنفسها فهي ام العريس اليوم وتتحدث الى هذه وتبتسم الى تلك وتؤشر الى الاخرى وهكذا ...وبزاوية اخرى ام عبدالله تبدو سعيدة كذلك ولكن يشوبها بعض الحزن لافتقادها الى ابنتها الوحيده والعزيزة على قلبها التي لم تركها لحظة واحدة ...ولكن لانها ستكون عند محمد فهذا يخفف الحزن . ومي كذلك تتمشى بارجاء الصاله وهي بلا شك اليوم نجمة الحفل وذلك لجمالها وجمال فستانها الاحمر وشعرها لاسود وقوامها الممشوق وهي تبتسم وترحب بالجميع .
تبدا الموسيقى الخاصه بإدخال العروس ....ويفتح الباب وتدخل ساره في اوج جمالها تصطحبها نوره وتتركها تمشي الى الكوشه . ينظر الجميع بابهار الى جمال ساره النادر وروعتها والكل يهمس ماشالله . فقد كانت ملكة للجمال بهذا اليوم ولكن مازالت نظرة الحزن لم تفارقها ...
بعد لحظات وبعد انتهاء صديقات ساره من إلقاء التحية عليها ومباركتها ...يبدأ دخول العريس محمد الى الصاله ...كما انبهر الجميع بساره كان محمد لا يقل وسامة بطوله الفارع ومنكبيه العرضيين وعيونه السؤداء الواسعه وجمال وجهه ...تقدم وتقدم نحو ساره العروس المنتظره ....
ينقبض قلب ساره في هذه اللحظه وتدرك ان العرس حقيقي وليس مجرد حلم كما كانت تتمنى ولا تقوى على النظر الى عريسها لانها تخاف ان تفضحها دموعها .
يقترب محمد ويجلس بقرب عروسه وينظر اليها للمرة الاولى بدون خوف او ترقب وينظر وينصدم لجمالها الباهر كانها حورية من اجمل البحار وكانها رسمة رسمت بلوحة فنان ..تلك العيون العسليه والانف الدقيق الصغير والفم الجميل الممتلئ الصغير . يبارك لنفسه على هذه العروس ويهمس لها ((الف مبروك يا ساره )).
لا ترد عليه ساره وهي تعرف ان الوف مؤلفه من ازواج العيون تنظر لها .
يرجع محمد ويقول : ترى محد قالي انك طرما اللي اعرفه ان لسان يطول اذانك .
تبتسم ساره غصب عنها حتى لا تثير الشكوك .
محمد : اشوى الحمدالله ابتسمتي هذه كافيه علي من أي كلمة .
تهمس سارة لقلبها ((ايه قول قول من هالكلام اكيد عندك منه بالملايين عبالك وحده اياهم )).
يبدأ العروسين بالخروج من الصالة ....يتوجهان الى سيارة عبدالله الذي ينتظرهما بداخلها ...يركبانها ويتوجهان الى الفندق لقضاء ليلة العمر .
وفي الفندق .....حجز محمد جناح كامل حتى تأخذ سارة حريتها .......واخيرا اغلق الباب واصبحا لوحدهما ...

ماذا حدث في ليلة الزفاف هذا ما سنعرفه في الفصل السابع ؟؟؟؟
%%%%%%%%%%%%%%%%%%%%%%%%%%%%%% %%%

مشكوووووووورين على الردود

ــــــــــــــــــــــــــــــــــــــــــــــــــ

&&الفصل السابع&&

بعد أن انتهت ليلة الزفاف السعيدة بالنسبة للأهل .....
انفرد العروسان لوحدهما في جناحهما الخاص الذي حجزه محمد في الفندق .
توجه محمد إلى ساره التي دمرها كل ما قالته نوره قبل هذه الليلة بساعات فقط ....ساره التي ارتدت قناع الجمود والبرود واستعدت لمواجهة محمد بكل أسلحتها .
محمد: مساء الخير ولا صباح الخير احسن ..هاه كيفك الحين ؟؟
ساره..ظلت جامدة ولم ترد .
محمد: شفيكي للحين متوترة ....عادي ترى انا ما اعض ولا اطق .
وتظل ساره صامتة ...
محمد : ساره شكلي بكلم روحي الليل كله ؟؟
ومازلت ساره في صمتها ..
محمد: ساره شفيكي منتي فرحانة ؟؟أحد مزعلك ؟؟قوليللي يالغلا ...
ساره: أنا تعبانه .....لو سمحت ابي ارتاح .
محمد يرد بتعجب : تعبانه ؟؟وانا بعد تعبان يعني بس انتي اللي واقفه لوحدك بالعرس الله يعني أنا وش اقول؟؟
ساره : محمد لو سمحت أنا قلتلك تعبانه ومالي خلق اضحك حتى .
محمد : ساره أنا ما توقعتك كذا في عروس معصبه يوم زواجها ..عجيبة انتي ؟؟؟
ساره : والله اذا مو عاجبك احنا للحين بالبر تقدر تطلقني .
محمد: ساره أنا اطلقكك انتي مجنونة أنا اخير قدرت احصل عليكي تبين اطلقك ولا بالاحلام .
ساره : اجل خلاص تحملني أنا على ما أنا عليه ..
محمد: اتحملك واتحمل ابوكي بعد ...أنا حاس أن هذا قناع تلبسينه بس لانك متوترة ماعليه أنا ماراح الومك بخليك على راحتك اليوم ولا يصير خاطرك الا طيب . انتي نامي بغرفة النوم وانا بنام في الصالون... نتحمل لجل الحبايب بس أن شاء الله يبين بعينك .
ساره: شكرا
محمد: بس شكرا ..مافي شي ماشيات ...ابتسامة ...نظرة .....او بوسه على الاقل ؟؟
استحت ساره وصارت خدودها باللون الاحمر ونظرت إلى الاسفل .
محمد: يقولون السكوت علامة الرضى يعني موافقة على البوسه ؟؟
نظرت سارة اليه واتسعت عيناها .
محمد: اقول خلاص لا تطلع عيونك نبي ابتسامة بس ممكن ؟
وهنا ابتسمت ساره فهي لا تستطيع مقاومة هذا الوجه الرائع وابتسمت له ابتسامة جميله .
محمد: ايه عدل كذا يا شيخه حرام عليكي . اقول ممكن استخدم غرفة النوم بس أبي أبدل يعني بعد اذنك لو سمحتي؟؟
ساره: اوكي خذ راحتك .
محمد : شكرا كلك ذوق .
ذهب محمد إلى الغرفة وبعد دقائق عاد اليها وهو مرتدي بيجامة للنوم .
محمد: هاه شرايك بشكلي تغيرت صرت احلى ..ههههههههههههههههههه
ساره ومزال الجمود مصاحبها وتفكر ببالها ((ايه اضحك اكيد محد ضحك عليك وغشك ))
محمد: سارة شدعوه للحين زعلانة ....ولا خايفة ...ولا متوترة ..........والله احترت معاكي ؟؟؟
ساره: أنا قلتلك أنا تعبانه ...
محمد: اوكي على راحتك ...بخليك يا بنت الخالة ...اتمنى أن التعب ما يطول ؟؟
وذهب محمد إلى حالة إلى الصالون لينام ويترك العروسه لترتاح لان محمد عرف دائما انه ذو قلب رحيم وطيب دائما .
ذهبت ساره إلى غرفة النوم وفتحت حقيبتها التي حضرتها لها مي وهما يبتسمان ويضحكان قبل أن تعرف الحقيقة المرة ....ووجدت بداخلها قميص النوم الجميل الذي اشترته لهذه الليلة وكان لونه وردي فاتح طويل وله غطاء وكان يتسم بالنعومة الفائقة . ابتسمت ساره باستهزاء وهي تنظر اليه وتقول بداخلها (( حسافة شريتك وتخليت معاك اجمل الاحلام لكن احلامي كلها تكسرت على صخرة الحقيقة ))
ارتدت ساره بيجاما احضرتها معها وكانت عباره من قطعتين كانت قد وضعتها بالحقيبه بالصدفة وكانت ايضا باللون الوردي لانها تعشق هذا اللون وعليها رسومات صغيره للورود ولا تظهر أي شي من مفاتنها بل بالعكس كانت واسعه قليلا وذات اكمام طويلة . ثم بعد ذلك مشطت شعرها الطويل ولفته خلفها ومسحت مكياجها . بعد أن انتهت جلست على السرير واخذت تفكر بما ستفعله بالايام القادمة للتغلب على محمد الذي وضعت حربا بينه وبينها ....
طرق الباب طرقا خفيفة ثم دخل محمد من الباب ....قفزت ساره وخافت وتذكرت انها لم تقفل الباب ...
محمد: سمالله عليكي ....ليه شايفه جني ولا شبح ....
ساره: لا بس عبالي مقفلة الباب ...
محمد: وليه تقفلينه ....خايفة مني .....أنا وعدتك اني بخليك تنامي لوحدك ويمكن ما تعرفيني بس أنا واحد عند كلمتي دايم .
ساره: مشكور ..
محمد يتأمل ساره وجمالها الطبيعي الرهيب بعد أن ازالت مساحيق التجميل ....
محمد: واااااااااو تصدقين انك احلى مليون مرة من دون مكياج ...والله ما اكذب .....ماشالله تبارك الرحمن ....تصدقين توني اعرف أن الله يحبني لانه عطاني عروس مثلك .
ساره: اقول مالاداعي المجاملات محمد.... أنا مو من اللي ينقص عليهم .
محمد وهو يقترب من السرير ومتعجب ...
محمد: المجاملات !!!!! حرام عليكي انتي ما شفتي حالك بالمرايه والله قمر ...وانا شمس هههههههههههه
ساره: طيب وش تبي الحين ؟؟؟؟؟
محمد: الصراحه يا ساره أنا منحرج منك ......عندي شي مضايقني مررررررة
ساره : خير أن شاء الله .
محمد: أنا يوم اني في بيتنا ...متعود امي تبوسني قبل لا انام ..والحين ما جاني النوم ...وقلت ...يعني ...يعني..
ساره : نعم ...نعم .... وش تبي أن شاء الله ؟؟
محمد: سلامتك اشفيكي يا ربي على طول تعصب يعني لو سمحتي لو سمحتي ا..ترى أنا اقول لو سمحتي لو سمحتي ...تتصلين على امي تجي ...ههههههههههههههههههههههههههه ههه
ساره : الله يرج ابليسك عبالي شي ثاني ...والله انك فاضي أنا تعبانه ابي انام.
محمد: وش عبالك ...عادي قولي لا تستحين أنا مثل زوجك والله عادي .
ساره: أنا قلتلك ابي انام ...
محمد: طيب شكل مزاجك اليوم مرررررررة تعبان أن شاء الله ما تكوني على طول كذا ...أنا جيت اسالك وش تبين عشا ؟؟
ساره: شكرا أنا ماني جوعانة ....
محمد: افا ....طيب أنا ميت جوع وماحب اكل بروحي .
ساره: دق على امك تاكل معاك .
محمد: يعني منتي ملينه هالمزاج شوي.....على راحتك . أنا رايح انام تصبحين على خير ...وعلى فكرة ترى ذنبي برقبتك انك نومتيني بدون عشا...
ساره: والله على راحتك بدون عشا ولا مع عشا أنا مالي ذنب .
سكت محمد وغادر الغرفة وهو مستغرب هذا الجفا الكامل من جانب ساره ...نعم العروس تكون باول ليله خايفة بس ساره مو خايفة .....ساره زعلانة وفي داخلها غضب مكبوت واضح من عيونها ....ليه يا ربي يمكن أنا اتخيل ..أن شاء الله .
نامت ساره نوما متقطع في تلك الليلة وكان حال محمد كذلك .
.............................. .............................. .............................. .............................. .......
عندما جاء الصباح ....استيقظت ساره واستحمت وارتدت بدلة مرتبة باللونين الابيض والاسود ووضعت مكياج خفيف ومشطت شعرها وارتدت الشيلة ....وذهبت إلى الصالون لتجد محمد نائما على الكنبة .....رقت لحالة ولكن قالت لنفسها ((لا يخدعك منظر الذئب )) . وجلست على الكرسي المجاور واشغلت التلفاز .
استيقظ محمد ونظر اليها ...
محمد: هلا سارة متى صحيتي ؟؟؟؟
ساره: صباح الخير .
محمد : سوري هلا والله صباح النور . اقول ليه لابسة وين تبين تطلعين ؟؟
ساره: ابي نرجع البيت ابي امي ...
محمد: بس يا ساره احنا ماا اتفقنا كذا اني عندي خطط ثانيه لليوم هذا صراحه .....بعدين لا تنسين احنا مااخذنا شهر عسل عشان كليتك وامتحاناتك ...يعني خلينا نستانس اليوم على الاقل .
ساره: اسفه أنا ابي امي مشتاقتلها مررررة.
محمد : كلنا مشتاقين لامهاتنا بس .............خلاص ساره اللي تامرين فيه أنا حاضر أنا بشوف اخرتها معاكي ولو اني حاس أن في شي .
ساره: مافي شي بس حاول تقوم وتخلص ....
محمد: أن شاء الله ....أن شاء الله..........للهدرجه تبين الفكه مني ؟؟؟؟
سكتت ساره ولم تجب لانها في قرارة نفسها كانت تريد استفزازه وازعاجه ولا تريد لحظة سعادة واحده تسببها له .
قام محمد وذهب لتبديل ملابسه وطلب الافطار وعاد اليها .....
يلا بس نتفطر ونروح يالمشتاقه .
ساره: أنا مابي فطور مو جوعانه .
محمد : ليه ...انتي ما كلتي شي من أمس أنا مالي خلق تطيحين على ويغمى عليكي ....
ساره: لا لا تخاف ما راح اكون حمل ثقيل عليك تقدر تاخذ راحتك .
محمد: اخذ راحتي ؟؟؟؟؟ احس انك تتكلمي بالالغاز ....إلى الان مو راضية تقولين وش فيكي ؟؟؟
ساره: مصير الايام تخليك تفهم كلامي وتعرف كل شي .....
محمد: والله اني ماني فاهم شي بس خليها على الله ....الصبر مفتاح الفرج. يلا أنا بعد مابي فطور يلا نمشي .
وخرجوا من الفندق ...بعد أن قضوا ليلتهم الاولى ولكن للاسف ليس بسعادة .
.............................. .............................. .............................. .............................. ......
ننتظر الجزء الثامن لنعرف المزيد عن حياة محمد وساره الجديدة .......