مسامحة فيه تعديل سوسا مو حزينة ,,, عشوقة اهي الحزينة سوسا حبوبة و تخلي جو رائع على البيت

الجزء (1) :

طبعاً البنات معطلين ,,, لأنهم في العطلة الصيفية ,,,

امس في الليل او بالاحرى منتصف الليل كانت المخلصه تطالع التلفزيون ويه بنوتة

قاعدين يطالعون الرسوم في سبيس تون >>> لا اله الا الله ...

و سوسا كانت قاعدة تخربش في دفتر الرسم الخاص فيها .....

عشوقة مختفية ما يدرون وين راحت ....

الام و الاب كانوا طالعين يسلمون على الاهل تعرفون ....

فجأة ...

بنوتة : اقول المخلصه احس ان ملل وايد ,,, حتى و احنا نطالع التلفزيون ...

المخلصه : اي وايد ملللل ,,, لو فيني نوم جان نمت من زمان ...

سوسا : ههههههه ضحكتيني انتين لو الخلق كلهم ينامون ما تنامين هههه

بنوتة : خل عنج انتي وياها مو ناقصين ,,, تدرون عندي فكرة

المخلصه : يلا اتحفينا بما لديك اختاه ,, يا ام افكار جهنمية ...

كانت المخدة صوب بنوتة اخذتها و رمتها في ويه المخلصه هههههه

بنوتة : لا تتطنزين صج صج عندي فكرة ..

سوسا : فكينا زين قولي شعندج ؟

بنوتة بابتسامة هبلى : شرايكم نتصل في بيت خالي و نغربلهم شوي ؟

المخلصه : اهو الفكرة حلوووة بس في خطر علينا ,,, شتتوقعين يصير لين

خالي شال التلفون ؟ فشـــــــــــلة بشوف الكاشف و بطلع الرقم و احنا نروح فيها

سوسا : اي حتى انا اقول جذي ...

بنوتة : انزين شرايكم نتصل في بنت خالي هاي خفاش متأكدة انها لي الحين قاعدة ...

سوسا : ههههههههه حلوة هاي خفاش

المخلصه : يلا بنتصل فيها

بنوتة : اوكي تعالوا وياي ...

راحوا و اتصلوا على بنت خالهم اسمها فاطمة ( فطووم )

فطوووم وهي تشيل الموبايل مالها : اعوذ بالله من يتصل هالوقت افففف

و ذلاك حاطينه على الاسبيكر يعني كلهم يسمعون ...

بنوتة و هي تغير صوتها >>> عن يا زعم صبي هههه : احم مرحبا

فطوووم ارتبكت من هذا ؟ : مرحبتين , منو وياي ؟

بنوتة في خاطرها تضحك : انا أحمد

فطوم بسم الله شلون عرف رقم موبايلي ( بس الذكية حست ان هذا مقلب و قالت بتمشي

السالفة) : اي هلا هلا حمودي , أخبارك ؟ شمسوي ؟

بنوتة مبطلة عيونها باستغراب ( بندت الاسبيكر ) : ايـــــــــــه اقولكم هذي شلون تكلمني

جذي لا يكون عرفت ؟

سوسا : هههه و الله مادري بكم انا , خل اروح اكمل رسم احسن لي

( خل نبتعد عن هذلين شوي صدعوا راسي هههه , بنشوف عشوقة )

كانت قاعدة برى على احد الاعتاب مال مدخل بيتهم و هي تطالع السماء , دائما تسوي

جذي ,, خواتها يسمونها بالساحرة لان كله تقعد بروحها ...

اهو صج ليلى و محمد الله ما رزقهم باولاد لكن دومهم يقولون ان كل وحدة بناتهم عن

عشرين ريال ( خيــــــــــبة تخيب العدو هههه )

ان الله يرزق من يشاء بغير حساب سبحانه و تعالى ...

الموهم شكلي طلعت عن النص مسامحة برجع قبل لا احصل ضرب ههه

عشوقة دائما تحس ان احد يراقبها ما تدري منو بس هالاحساس ما يفارقها

يمكن صديق خيالي ... من يدري ؟

كانت تخاف من هذا الشخص ,,, لكن اليوم قررت ان لازم تتكلم وياه ,,, عشوقة تعاني حالة نفسية

مادري شلون اشرحها يعني من الحالة اله عايشتنها تتوهم و تتخيل اشياء وايد

مثلا اذا بتنام تحس ان فيه احد يكلمها ,, يعني تحس ان الكلام حقيقي مو جذب ,, كانت بتقول حق

امها او احد خواتها بس بعدين قررت ما تقول لاحد عشان لا يتضحكون عليها ,,,,

بالفعل كان صديق خيالي تقربت منه ,,, قعدت تطالعه و اهي ترتجف ,,,

ابتسم لها مسك يدها و قال : لا تخافين ما بسوي شي انا ,, صديقج الخيالي

طالعته باستغراب تحس بلمسته لا يكون استخفيت ؟ : اان.. اان ... اااننننتتت حق... قق...ي...قققق ..ي ؟

.... : اي انا حقيقي ,,, بس مو للكل بس لج لان انا صديقج محد يقدر يشوفني غيرج ,,,

ما تدري ليش حست بالارتياح و بهدوء : انت شسمك ؟

..... ( قعد يضحك عليها ) : معقولة ما تعرفين اسمي انا صديقج الخيالي مالي اسم انتي اللي تسميني

عشوقة بابتسام و فرح كبير : انزين اذا انت صديقي الخيالي مثل ما تقول بتعرف شنو احلى اسم احبه

..... : دانيال

عشوقة بطلت عيونها مستغربة : شلووون عرفت ؟

دانيال : هههههه لاني صديقج الخيالي

عشوقة : دانيال اقولك شي ؟

دانيال : قولي كلي آذان صاغية ...

عشوقة : توعدني انك تظل وياي ؟ و ما تتضحك علي ؟ و تسوالف وياي عادي بعد ؟

دانيال : اكيد ... وعد

عشوقة بابتسامة : تدري اني اول مرة ما استحي من احد ,,, يعني انا خجولة وايد

حتى من بابا استحي

ابتسم دانيال لها : هههههه اعرف كل شي عنج لا تخبريني اي شي ,,,, اوكي يلا دخلي عن الحر

عشوقة : لا ما يصير اخليك بروحك ...

دانيال : ههههههه بدخل وياج

عشوقة : اوكي بس لا تخليهم يشوفونك اوكي

دانيال : صار ,,, اوكي

انتظروا الجزء الثاني من عشوقة و مذكرات عائلة ....

الجزء (2) :

سوسا راحت تشخبط في دفترها ماشاء الله تعرف ترسم عندها هالموهبة و ذوق فني رائع

بالنسبة لبنوتة و المخلصه انقهروا لان بنت خالهم عرفت اللعبة و كشفتهم ههههههه

بنوتة : ملللللللللللللللللللللللل بموت ارف ماما و بابا طلعوا و خلونا جذي اففف

المخلصه : اي و الله ملينا من كل شي ,,, تعالوا

بنوتة : شنو بعد ؟؟؟؟ افف

سوسا : اوهو عاد مو حالة هذي اقول انا وياكم لا تنسوني قاعدين متمللين و تبون تمللونا وياكم

ابي اركز في رسمتي لا اله الا الله خفوا شوي عاد >>> هههههههههه

المخلصه : خلاص انا لاعت جبدي من كل شي انزين ,,,, بس عندي شي بيعجبكم

بنوتة شاقة الحلق من الوناسة : عندج شي بيعجبنا رووووحي ييبيه بسرعة شتنتظرين انشاء الله

المخلصه : هههههههههههه ,,, بروح اييب السوني ( البلاي ستيشن ) نلعب شوي ,,,

حبيبة قلبي بنوتة روحي ييبي شي نبلعه ,,, سوسا فديتج تبين تلعبين ,,

سوسا بابتسامة كبيرة : افكورس حبيبتي اصلا ما بتلعبون بدوني

بنوتة ( تغمز حق سوسا ) : و احنا نقدر اصلاً انتي الكل بالكل

اله بدخلة عشوقة : خلاص يعني طاح كرتي ؟

بنوتة : افا عليج انتي اصغر وحدة بينا ,,, شلون يطيح كرتج بالله ؟ اذا طاح كرتج عندنا

يبقى لج كرت الوالدة هههههههههه

عشوقة تبتسم و تروح غرفتها ....

بس قبل لا تروح ( المخلصه ) تنادي عليها : عشوووووووووووقة ما تبين تلعبين ؟

عشوقة : شكراً غناتي ,,, ما ابي بروح اريح شوي

المخلصه : على راحتج

المخلصه توها بتحط الشريط نزلت دمعتها و قعدت تبجي بهدوء ...

سوسا راحت و حضنتها : علامج ؟ المخلصه عمري شي يعورج ؟

هزت راسها بمعنى لا

سوسا : عيل شفيج ... قولي طيحتي قلبي

المخلصه و هي تمسح دموعها اله بنوتة يايبة لها ماي : شربي الماي اسم الله عليج

المخلصه و هي تشهق : عاجبنكم ؟ عاجبنكم حالها ؟

بنوتة : منو تقصدين ؟

سوسا : اكو غيرها اكيد عشوقة ...

المخلصه : شوفوا حالها دائما بروحها ,,, ما تقعد ويانا ..

بنوتة : شنقدر نسوي ؟

المخلصه : مادري ,, مادري

يوم اقول لكم المخلصه وايد تحب خواتها و اهي حساسة وايد ...

التموا الخوات كل وحدة حاضنة الثانية ... الله يخليهم لبعض يا رب

نروح لعشوقة شوي

كانت تسولف ويه صديقها الخيالي

عشوقة : تدري دانيال

دانيال : شنو ؟

عشوقة : انا اتعذب ,,, كل يقولون لي البنات اني مينونة و معقدة ( نزلت دمعتها ) ما اعرف احد

اقرب صديقة لي ماتت و خلتني بقى لي خواتي ... احبهم وايد دانيال ... بس اخاف ........

قاطعها دانيال : لا لا تكملين

دانيال : انزين انا صديقج وين رحت ؟

عشوقة : اعرف ,,, بس انت في اي لحظة بتروح , لا تفكر اني غبية انا اعرف انك خيالي

دانيال : حتى لو رحت بظل صديقج صح ؟

عشوقة بابتسام : اكيد انت اخوي الي ما انولد

دانيال : يلا انا بمشي الحين

عشوقة : تعال وين بتروح ؟

ما كملت كلامها لان اختفى .....

لا تعليـــــــــــــــــــــــــــــــــــــــق ...

لا تفسر الصديق الخيالي على ان اهو ........ تعرف ما بكمل

لان في نهاية الجزء الثاني مكتوب :

عشوقة بابتسام : اكيد انت اخوي الي ما انولد

يعني علاقة أخوية لا أكثر لا أقل ....

الجزء ( 3 )

المخلصه : قوموا نروح لها نشوفها ما يصير جذي بعد

بنوتة : انشاء الله بس انتي لا تضايقين بنفسج اوكي

المخلصه ابتسمت بهدوء

طقت سوسا باب غرفتها ( غرفة عشوقة ) كان منظرها يقطع القلب متكورة على نفسها

و ضامة روحها و تبجي بهدوووء

المخلصه ما قدرت تتحمل تشوف اختها على هالحال بجت وياها ,,,,

شقول لكم ؟ عشوقة لغز محير و الله انها مخبل و سواااااااااااااااااااااااااالف اخس عن

خواتها بس دائما غامضة محد يعرف عن كتاباتها ... و اشياء وايد ما يعرفون عنها .....

سوسا مو قادرة تتحمل نزلت دمعتين بالعدد بس مسحتهم ما تبي تكون ضعيفة

قدام خواتها تبي يستمدون قوتهم منها ...

المخلصه بصوت مبحوح : قولي لي شفيج عشوقة ؟ فضفضي ...

عشوقة بصوت متقطع : كاا ... بووووو ... سسس ... شرا ... شف.... لونها اببببيييض ....

وحش.... ظلا ... م ... دمممممم آآآآآآآآآآآآه

عرفوا انها شافت كابوس

ما يعرفون شسوون .....

بس رحمة الله ان الوالد و الوالدة توهم راجعين من عند الاهل

اول ما دخلوا البيت

ليلى ( الام ) كانت تضحك ... هههه

بس اختفت ضحكتها : تسمع صوت بجي ؟

الاب : اييي بسم الله تعالي نشوفهم لا يكون سوو بعمرهم شي ؟

الام قعدت تركض و ركبت الدرج و حست الصوت في غرفة عشوقة

دخلت و انصدمت باللي شافته ,,,, عشوقة اول مرة تبجي قدام احد و تشاهق بعد !!!!!!!!

اخذتها بالاحضان : بس يمـــــــــــه خلاص حبيبتي ,,, اوش ,,, لا اله الا الله ,,, بسم الله عليج ,,,

ركضت سوسا و في ايدها ماي ( حليلها ) : هاج ماي شربي

عشوقة : ماا .... ما ... اب ... ي ..

الام : الا تبين ,, حبيبتي لازم تشربين عشان تصيرين احسن

اخذت الماي و هي ترتجف , حتى الماي يتلاطم بعنف كانه أمواج هائجة ...

شربت شوي و من التعب نامت في حضن امها ....

الام خلت راسها بهدوء و ريحته على المخدة ...

و راحت بتنام ...

لكن الخوات ما قدروا ينامون قلوبهم على بعض .. كل وحدة راحت تييب لها مخدة و لحاف

عشان ينامون ويه عشوقة ( فديت خواتي انا ههههه )

و كل وحدة منهم ما قدرت تنام و هم يفكرون في عشوقة و حالتها .... ( كسروا خاطري وايد اتكلم عن عشوقة )

هههههههه ما عليه الايام يايه

اليوم الثاني قعدت عشوقة و راسها ثقيل تحس بالمرض هذا كله من البجي ....

توها بتروح الحمام تغسل ويهها ( أكرمكم الله ) شافت شي يتحرك ... بسم الله

كانوا خواتها .... دمعت عيونها ... تحس انها عالة على الكل ما تبي احد يتعب عشانها

راحت و باست كل وحدة على خدها ....

غسلت ويها .. و نزلت تحت بتعب و ارهاق ...

شافت امها قاعدة تاكل بانكيك و نسكافيه ..

عشوقة بصوت تعبان : صباح الخير

الام : صباح النور , حبيبي اخبارج الحين ..

عشوقة : الحمد لله

الام : تعالي اشوف

عشوقة تقربت صوبها

الام شافت ان بنتها مو طبيعية حطت ايدها على جبين عشوقة : ول حرارتج مرتفعة

عشوقة تبتسم بوهن شديد

الام : قومي بنروح المستشفى

عشوقة : ما ابي اروح

الام : مو على كيفج ,,, عشوقة عاد لا تصيرين ياهل حتى اليهال ما يسوون جذي

عشوقة راحت فوق مرة ثانية تنام تحس عمرها تعبانة و بردانة وااااااااااااااااااااااااااااايد

يتـــــــــــــــــــــــــــبــــــــــــع

الله ,, يعني عجباج ؟

اهم شي حبيبتي و الله

انشاء الله دوم هالضحكة هههههههه

و قريب البارت

تحاياي

هههههه مشكورين على المرور

(4)

سوسا و المخلصه و بنوتة قعدوا من النوم نزلوا تحت راحو المطبخ

شافو امهم تاكل البريك فاست ,,,,,

سوسا : يمـــــــــــه ؟

الام ليلى : بسم الله يا الله صباح خير ,,, شتبين ؟

سوسا : ههههههههههه اقولج ؟

الام ليلى : خلصيني قولي شعندج ؟

سوسا : لا بس مستغربة انتي مو في الشغل !

الام ليلى : اي اخذت اجازة اسبوع

سوسا : الله وناسة

بنوتة : يوعانة انا بس ما اقدر ادخل شي في بطني

المخلصه : تبين نسكافيه ؟

بنوتة : اي

سوسا : انا بعد ابي

المخلصه : اوكيك

سوسا : تعالو وين عشوقة ؟

الام ليلى : اعتقد راحت تنام مصخنة شوي لحد يتقرب منها

المخلصه + بنوتة + سوسا : انشاء الله

الام ليلى : عن يا زعم مطيعات اكيد في بالكم شي

بنوتة : هههههههههه فديت اللي فاهمتنا و الله

المخلصه بهدوء : يمه فكرنا انج تمددين الاجازة نبي نسافر هالسنة

الام ليلى : يا سلام ,,, و الحلوات وين يبون يسافرون ؟

بنوتة : انا خاطري اروح نيويورك و لا مرة رحت هناك ابي اشوف السنترال بارك

سوسا : الله روعة نيويورك ,,, انا وياج في هالراي نبي نيويورك

الام ليلى : و انتي المخلصه ؟

المخلصه : اي مكان عادي اهم شي نكون ويه بعض

الام : لا و الله هذا و لي الحين ما اخذت الاجازة و يتشرطون بعد ما تبونا نوديكم الهند ؟

بنوتة : هههههههههه و الله تسوون خير اذا بتودونا

سوسا : ههههههههههه

( الوالد كان واقف يسمعهم ههههههههه ) >>> هالعائلة مستخفة وايد : تبون تروحون نيويورك ؟

بنوتة : ايه يبا تكفى

الاب محمد : نيويورك ,,, نيويورك شورانا ؟

المخلصه شقت الحلق

بنوتة : فديت باباتي انا

الام ليلى : احم احم و احنا مالنا رب يعني ؟

بنوتة : خلاص فديت ماماتي بعد ههههه

الوالد محمد : خلاااااص باخذ اجازة و بحجز لنا كلنا

المخلصه : احم احم بابا ؟

الوالد محمد : هممم ؟

المخلصه : نبي فطوووووم تكون ويانا

الوالد محمد : بعد ؟

المخلصه : اي يبا الله يخليك

الوالد محمد : بشاور امها و ابوها و اذا وافقوا بنحجز لها أوامر ثانية ؟

المخلصه : ههههههههه لا بس ما يآمر عليك عدو

نروح لعشوقة شوي ....

عشوقة كانت الحرارة تزيد عندها ما تقل

العرق يصب من جبينها ,,, و هي قاعدة تتألم بهدوء و تأن أنين حاد يعور القلب

الام ليلى : وييييي بروح لبنتي حسبي الله على بليسكم خليتوني انسى انها مريضة

الوالد محمد : ليش شفيها عشوقة ؟

الام ليلى و هي قاعدة تمشي بسرعة : صخونة شوي

وصلت غرفة عشوقة راحت لها ,,, حطت ايدها على قلبها و هي تطالع عشوقة

كانت بيضى كانها ميتة ,, اصوات تصدر من عشوقة و تتخللها شهقات خفيفة خلت الام ترتبك ,,,

ما عرفت شتسوي ,,,, كانت خايفة تروح صوبها و تموت بين يديها و وسط هذي الشهقات اللي

كانت تشهقها عشوقة أسماء تنطق بها ما قدرت ليلى تميزها لأنها كانت مخفية بتأوهات الألم

فجأة فتحت عيونها بذعر و صادتها حالة هستيرية من البجي ركضت الام تاخذ عبايتها

و قعدت تلبس بسرعة و هي تصارخ : محمـــــــــــــــــــــــــــــــــــــــــــــــ ـد

يا ترى بتموت عشوقة و بتختفي الذكريات الجميلة من هالعائلة ؟

شبصير في البنات اذا عرفوا بحالة عشوقة الصحية ؟

فطووووم اهلها بوافقون على السفر الى نيويورك ؟

شراح يصير في القصة عشان تتغير 180 درجة ؟

ترقبـــــــــــــــــــــــــــــــــــوا الجزء (5) قريباً

توقعاتكم ........

هههههههههه مشكلة الثقة

ليش يعني ؟

الموهم شكراً على المرور

انزين عشان لا تقولون كسرت خاطره بعطيه دووور في الجزء السابع بعد

شكراً المخلصه على المرور ,,,,

تحاياي السكرية