إعـــــــلان

تقليص
لا يوجد إعلان حتى الآن.

عشوقــــــــة و مذكرات عــــــــــــائلة

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #46


    وايد صار تغيير مفاجيء

    بصراحه كان حلو حيل للتاسع


    تحياتي

    تعليق


    • #47
      اعرف صار تغيير مفاجىء بس بترجع القصة احلى من قبل صدقوني

      حتى انا ما عجباني هذا الفصل ,,,,

      بس لازم تعرفون ان نهاية القصة بتكون سعيدة و بترضي الجميع انا واثقة من هالشي

      بس فوق كل هذا بصراحة لان ما عجباك لجنة الاستقبال

      يبت لي احباط

      تحاياي

      تعليق


      • #48
        انا ترى ادري بتتضايقين بس عفيه القصه حلووووووووة


        حيل


        لاتستعجلين؟


        ياريت التغير ينقلب من اول ويديد


        ونطري الآراء

        واسف على صراحتي ماحبيت اجامل لانها قصتنــــــــــــــــــا وحلوة واتابعها

        تقبلي تحياتي اختي الفاضله


        والى الامام عزيزتي

        تعليق


        • #49
          لا بس كل شيء بيتغير و الله ,,,,

          بترجع القصة احلى من قبل بس انتظروا شوي لازم نضيف دراما

          لا لا خلاص اوكي ,,,,

          و يسعدني اعرف انك متابع القصة اول باول ,,,,,

          تحاياي

          تعليق


          • #50
            امممممم
            صج صار تغيير 180 درجة ...

            بس زين علشان لا تصير القصة مملة ، بالعكس الجزء وايد حلو ومشوق ..
            وأتمنى الجزء الياي .. بترد القصة فيها أفراح وضحك و وناسة ..

            وشي حلو نغلط .. علشان نتعلم من أخطاءنا ..

            أما توقعاتي ..

            البنات راح يتضايقون .. من اللي صار ..
            بس راح يستانسون .. لما يدرون ان عشوقة بتظل وياهم

            زهرة يمكن اتطالب بحضانة عشوقة بالمحكمة بس ما راح تقدر تاخذها

            وراح يسافرون نيويورك .. مع بيت خالتهم

            soosaa

            تعليق


            • #51
              المشاركة الأصلية بواسطة soosaa
              امممممم
              صج صار تغيير 180 درجة ...

              بس زين علشان لا تصير القصة مملة ، بالعكس الجزء وايد حلو ومشوق ..

              شكراً سوسا شهادة اعتز و افتخر بها

              وأتمنى الجزء الياي .. بترد القصة فيها أفراح وضحك و وناسة ..

              انشاء الله


              وشي حلو نغلط .. علشان نتعلم من أخطاءنا ..

              صح


              أما توقعاتي ..

              البنات راح يتضايقون .. من اللي صار ..
              بس راح يستانسون .. لما يدرون ان عشوقة بتظل وياهم

              زهرة يمكن اتطالب بحضانة عشوقة بالمحكمة بس ما راح تقدر تاخذها

              وراح يسافرون نيويورك .. مع بيت خالتهم

              soosaa
              أتمنى تكون توقعاتج صحيحة

              من اليوم ببتدي احط لكم صور في القصة عشان تكون احلى ,,,,,,

              مشكورة الغلا عالمرور

              لا خليت ,,,,

              تحاياي

              تعليق


              • #52
                ooooooooooooh my good

                لا مايصير أبيج تصيرين أختي من أمي وأبوي في القصة

                بس أتوقع آنا ان الخوات راح ينصدمون وخصوصا آنا اللي انصدمت اللحين

                وأتوقع انهم ماراح يتقبلون هالشي بسرعة

                القصة حلوة مهما كانت الأسباب وأرجووووووووووووووج عشوقة كملي القصة

                ومشكووووووووووورة يا حلوة البنات

                تعليق


                • #53
                  مشكورة الغلا على مرورج الطيب ,,,

                  و انشاء الله تكون توقعاتج صحيحة ,,,,,

                  لا خليت ,,,,

                  بعد شوي الفصل الثاني ,,,

                  تحاياي

                  تعليق


                  • #54
                    الفصل الثاني من الجزء العاشر

                    راحت زهرة و خلفت ذكرى حزينة في قلب محمد ,,, كان يعرف ان لازم يخبر عشوقة من زمان

                    مو الحين ,,,,,

                    راحت زهرة و خلت قلوب تشكي الحزن و الالم ,, تذرف دموع حزينة بس بصمت و هدوء ,,,,

                    راحت و خلفت وراها أكبر زوبعة ممكن تمر بها العائلة ,,,,

                    * في قرارة نفسها كنت تعرف انها غلطانة ,,, و كان الندم يملأها ,,, ليش سوت جذي ما

                    تدري ,,, لكن هذا الشيطان ما غيره ,,,,

                    * اما اهو كان محترم رغبة امه في السكوت مو مستعد يخوض وياها نقاش ما ينتهي ,,,,

                    وصلوا البيت ,,, و اهي ما عطلت راحت غرفتها بسرعة و اطلقت العنان لدموعها اللي نزلت حارة

                    على خدها ,,,,,,,,

                    تنهد بأسف على كل شي صار من بينهم ,,, حس برغبة تجتاحه يروح البحر ,,,, عشان يشكي له همه ,,,,,

                    و فعلاً ,,,, وصل البحر و ظل يناظر غروب الشمس ,,, شكثر هي حلوة الطبيعة خصوصاً اذا تشاركنا

                    مشاعرنا ,,,,



                    تتلون بمختلف المشاعر اللي نكنها في قلوبنا ,,,,

                    أطلق تنهيدة ساخنة من قلبه و رجع البيت ,,,,

                    * تعرف ان اهي غلطانة شكثر كانت قاسية و وقحة قدام امها الحين هذي اهي التربية اللي اتكلم عنها ؟؟؟؟

                    ظلت تذرف الدموع بقلب مهموم ,,,,

                    كان الصدمة قوية لدرجة انها ما قدرت تستوعب كل شي ,,,,,

                    ما تقدر تروح ويه امها البيت و تترك خواتها ,,,,

                    لازم تتصرف هذا اللي قالته بينها و بين نفسها ,,,,

                    * الصدمة كانت مرسومة على ويه كل وحدة فيهم ,,,,,,,

                    عقب كل هالسنين يكتشفون هالاكتشاف الخطير ,,,,,,

                    سوسا : ليش معقدين الامور ؟

                    بنوتة : اي تعقيد اي خرابيط و اللي يعافيج

                    سوسا : تراها بتظل اختنا ,,, هذا واحد ثاني شي شنو يعني بنموت يوم عرفنا هالشي ؟؟؟؟

                    بتتوقف الحياة ؟؟؟؟ انا ما احب جذي صراحة هم و حزن و كآبة في البيت , خلكم عاديين ما صار

                    شي

                    المخلصه : كلامج صح ,,

                    وسط هذا الجو المتكهرب في البيت ,,,

                    تعطرت الأجواء و اختلط الخشوع بالهدوء و السكينة ,,,,

                    ارتاحت النفوس و ظلت متعلقة بذاك الصوت العذب ,,,,,

                    صوتها الجميل ,,,, اللي بسببه نزلت الملائكة و حطت صوبها تستمع لللآيات القرآنية ,,,,

                    اطمئنت القلوب و رفرفت الى مصدر ذاك الصوت ,,,,

                    و خرت جميع الملائكة ساجدة لله عز و جل ,,,,

                    عندما انتهت من قراءة ذاك الكلام العطر ,,,,

                    نظرت الى مكان و شعرت بروعة الايمان النقي الطاهر ,,,

                    ظلت الابتسامة مشرقة على ثغرها الصغير ,,,,

                    راحت صوب التلفون و رفعت السماعة ,,,

                    طلعت رقم اخوها اللي كان مخزن ,,,,

                    و ضغطت الارقام بيد مرتجفة و قلب مفزوع ,,,,,

                    ناصر : الو

                    عشوقة : مرحبا

                    ناصر : مرحبتين هلا عشوقة ,,,, اخبارج ؟

                    عشوقة : اخباري تعرفها , يصير اكلم امي ؟

                    ناصر و هو مستغرب : اوكي دقايق بسس

                    عشوقة : لحظة لا تقول لها اني متصلة

                    ناصر زاد استغرابه : انشاء الله

                    مضت ثواني معدودة

                    حتى طلع صوت دافىء امتزج بالحنان و شيء من البحة بسبب البكاء : ألووو

                    رجف قلبها و بدت الدموع تنزل و بصوت مفجوع : يمه آسفة يمه ما كنت اقصد ,,,

                    يوم قلتوا لي السالفة انصدمت ,,, ليش خليتيني يمه ؟ ليش ؟ يمه سامحيني يمه ,, سامحيني يا الغالية

                    و كل شي تبينه بصير ,,,,

                    زهرة و دموعها تنحدر على خدها بعنف شديد : لا الغالية لا تقولين جذي مسامحتنج و الله ,,, انا اللي

                    غلطت بحقج ,,, و اذا تبين تكونين في بيت ابوج ما راح امنعج بتظلين بنتي اللي احبها وايد

                    عشوقة تهللت أساريرها : يمه أحبج يمه واااااايد

                    زهرة و الابتسامة رسمت أحلى اشراقة على وجهها : و أنا بعد أحبج عشوووقة

                    ظل الصمت سيد الموقف لبضع ثوان ,,,,

                    عشوقة : عيل يمه ,,, يصير اطلب منج طلب ؟

                    زهرة : عيوني لج يالغالية

                    عشوقة : تسلم لي عيونج ,,, يمه ابيج تسافرين ويانا الله يخليج اذا صدق سامحتيني تعالي

                    ويانا انتي و ناصر

                    زهرة : لا ما نبي نثقل عليكم

                    عشوقة : افهم من كلامج انج زعلانة ؟

                    زهرة : لا و الله مو زعلانة خلاص بقول لناصر انشاء الله

                    عشوقة : تسلمين يالغالية ,,, انا بخليج الحين اوكي

                    زهرة : اوكي تحملي في روحج حبيبي و سلمي على خواتج و اهم شي اعتذري من امج

                    عشوقة الحين صدق فرحتها ما تنوصف : انشاء الله يوصل ,,, مع السلامة

                    زهرة : في حفظ الله

                    توقعاتكم :

                    شبصير في السفرة الى نيويورك ؟

                    العلاقة صارت من احلى ما يمكن بين عشوقة و امها هل راح تتاثر هالعلاقة و تتغير بسرعة ؟

                    توقعاتكم ,,,,

                    ترقبوا الفصل الثالث من الجزء العاشر

                    لعشوقة و مذكرات عائلة

                    تعليق


                    • #55
                      [grade="00008B FF6347 008000 4B0082"]انا اتوقع الام و بنتها خلاص مابينهم زعل بيكون بعد

                      لكن الزعل راح يكون بين ناصر بالسفره


                      ووو

                      اتوقع واحد منكم يضيع شي ثمين ومهم يمكن جواز شي وتصير شوي السالفه ملخبطه وزعل




                      تحياتي لج قصتنا الحلوة[/grade]

                      تعليق


                      • #56
                        شكراً على المرور ,,,,,

                        ما بتصدقون شصار

                        كنت اكتب الفصل بس مادري شصار و انمسح كله و رديت اكتبه مرة ثانية

                        الله يعين ,,,,

                        بعد سوي بحطه لكم ,,,,

                        تحاياي السكرية

                        تعليق


                        • #57
                          راحت عشوقة تركض بعد ما صكت التلفون صوب ليلى و ما

                          قدرت تيود عمرها و حضنت ليلى بقوة : امي تسلم عليج و تعتذر

                          منج عن كل شي سوته و حتى انت بابا و متلومة فيكم وايد ,,,

                          قالت لي اذا تبين تقعدين في بيت ابوج ما برفض هالشي ,,,,

                          محمد : كنت عارف انج بتتصلين خليتيني فخور ابج عشوقة و

                          هذا دليل على اخلاقج العالية لانج ما قدرتي يطوف اليوم و احد

                          حاط في قلبه عليج
                          عشوقة : اي الحمد لله تصالحنا

                          بنوتة : كللووووووووش

                          محمد : ههههههههه

                          الابتسامة توسطت ويه كل وحدة فيهم

                          و الراحة ارتسمت على حنايا وجوههم الملائكية ,,,,,

                          عشوقة :ايــــه قبل لا انسى ترى كعربون للصلح قلت لهم

                          يسافرون ويانا نيويورك

                          محمد : حلفي

                          عشوقة : هههههه لا انا ما احلف بس صج

                          محمد : زين تسوين لان انا حجزت 3 تذاكر احتياطاً يعني

                          سوسا : يعني باجر بنسافر ؟

                          محمد : ههههههههههههه لا ذاك اليوم كنت امزح ويه اختج

                          بنوتة تضحك بهستيريا واضحة : هههههههههه ما قلت لج

                          هههههههه ياخذج على قد عقلج ههههههههه

                          عشوقة مبوزة : الله يسامحك يوبا

                          محمد : هههههههههه مادري عنج اول مرة اسمع اذا حجزنا

                          اليوم باجر بنسافر

                          ليلى : هههههههه

                          المخلصه : هههههههه اوكي يوبا عيل متى بنسافر ؟

                          محمد : بعد اسبوع انشاء الله

                          المخلصه : واااااااااااااااااايد

                          عشوقة : احسن عشان نشتري

                          ليلى : تبون تروحون السوق ؟

                          المخلصه : يا ليت و الله

                          ليلى : خلاص بعدين بنروح و لا يهمكم

                          بنوتة : ياهوووووو

                          سوسا : الحمد لله على نعمة العقل

                          عشوقة : ايـــه الحين عندنا اخو

                          بنوتة : الااااااااااااااااي يعني بروح كل مكان

                          سوسا : و الله حالة ,,,

                          المخلصه : خاطري اشوفه

                          سوسا : و انا بعد

                          عشوقة : لا لا خلوها سبرايز احسن الاسبوع الياي بتشوفونه

                          بنوتة : لا ما يصير جذي انتي تقولين هالشي لانج شفتيه

                          عشوقة شقت الحلق : ههههههههه ويو ويو ههههه

                          بنوتة غمزت حق سوسا و طبوا على عشوقة يدلدغونها

                          عشوقة و عيونها تدمع من الضحك : ههههههههههههه ما قدر

                          هههههههه بطني هههههههههه حرا

                          ههههههههههههههههههههههههه يمــه ههههههه

                          محمد : هههههههه عشان تتادبين يا ام لسان طويل

                          المخلصه : ههههههههه بس خلوها عاد

                          رحموها و خلوها و هي تضحك : هههههههه

                          بنوتة : و الله عشوقة كانج من ذلاك المستخفين هههههههه

                          عشوقة : ههههههه لا و الله كله منكم ذبحتوني الله يغربل بليسكم

                          سوسا : ها ها ها زين عشان تتادبين مثل ما قال ابوي

                          عشوقة راحت تتصل في اخوها

                          ناصر : الو

                          عشوقة : هلا باحلى راعي الو ,,, اخبارك ؟

                          ناصر : الحمد لله بخير , و انتي اخبارج ؟

                          عشوقة : الحمد لله نشقح فوق النخل على قولة الاماراتيين

                          ناصر : هههههه يحليلج عشوقة اسميج سوااااالف

                          عشوقة : هههههه ادري فديتني انا اقولك ؟

                          ناصر : قولي كلي آذان صاغية

                          عشوقة : تسلم ,,, قول للماما ان السفر الاسبوع الياي اوكي ؟

                          ناصر : انشاء الله بس منو بسافر ؟

                          عشوقة : قول لامي و هي تعلمك

                          ناصر : اوكي خلاص

                          عشوقة : تدري ان خواتك يبون يشوفونك ؟

                          ناصر تشقق : و الله حتى انا ابي اشوفهم

                          عشوقة : هههههه لا خلها الاسبوع الياي احسن

                          ناصر : اوكي

                          عشوقة : يلا انا الحين استاذن بمشي ,, سلم على امي وايد

                          ناصر : انشاء الله و انتي بعد سلمي عليهم و تحملي في روحج

                          عشوقة : ما طلبت الغالي فالك طيب ,,, يلا باي

                          ناصر : بايات

                          * ما راح اطول في هالفصل وايد عشان جذي طاف هالاسبوع

                          بسرعة و اخيرا

                          اليوم الموعود

                          العائلات كلهم في المطار : بيت الخال ,, بيت عشوقة ما عدا

                          زهرة ويه ناصر تاخروا شوي ,,,,

                          مرت دقايق معدودة حتى وصلوا ,,,

                          و طارت عشوقة تحضن امها : مامي

                          ناصر : ههههههه و انا ؟

                          حضنته عشوقة : وحشتوني وايد من زمان ما شفتكم

                          ناصر : ههههه حتى احنا و الله

                          عشوقة تقربت منه و همست في اذونه طالع ذلاك خواتك الا

                          قاعدين صوب ابوي

                          لا تروح لهم

                          ناصر استغرب : ليش ؟

                          عشوقة : بيننهم شوي ها ها ها

                          ناصر : هههههه اسميج شيطانة

                          عشوقة : ههههههه بس شيطانة ؟ ههههه عيل ما عرفتني عدل

                          قعدت تسولف وياه و هم واقفين

                          بنوتة : طاع هذي ويه منو تتكلم ؟

                          سوسا : مادري عنها

                          بنوتة : بس ماشاء الله , الا وياها حلووو وايد

                          سوسا : صدقج وسيم ماشاء الله عليه

                          ( يتطنزون ترى )
                          بنوتة بطريقة تضحك : شب و ملح و عود في عيونك يا حسود

                          سوسا : ها ها ها لا يكون انا الحسودة اهني ؟

                          بنوتة و هي تكتم الضحكة : رحم الله امرىء عرف قدر نفسه

                          سوسا : الله يسامحج اصلا انا عيوني باردة

                          بنوتة و هي تطالع ناصر الا طاحت عليه الشنطة : هههههههههه

                          مبين
                          سوسا : ما علينا طالعي عشوقو تسولف وياه بعد و الله حالة بس

                          منو هذا وايد يشابه عشوقة ( طالع الهبل )

                          بنوتة : امممم مادري يمكن واحد من اولاد خالتها

                          المخلصه ما قدرت تيود عمرها : ههههههههه اسميكم عباقرة

                          زمانكم هذا اخونا

                          بنوتة : ههههههه

                          سوسا : حلفي ؟

                          المخلصه : لا ما بحلف

                          سوسا : ماشاء الله اينن

                          المخلصه : هههههه ما شبعتين من مساع للحين تمدحين فيه

                          سوسا : ههههه و الله طالعي غمازاته اذا يضحك الله يساعدني

                          جم بتحمل

                          بنوتة : هههههههه الله يعطينا ريل نفسه قولي يا الله

                          سوسا وقفت بكبرها و هي ترفع ايدها لفوق : يالله الله يسمع منج

                          المخلصه : ههههههههه الحمد لله على نعمة العقل ,,,

                          اعلنوا اقلاع الطائرة و قاموا الجماعة كلهم ,,,,

                          ركبوا الطائرة ,,,,,و في الاخير وصلوا بالسلامة الى نيويورك

                          و من التعب كلهم ناموا ,,,,,

                          اليوم الثاني بعد صلاة الصبح صلوا ,,,, و رجعوا ينامون هذلين

                          ما يشبعون من النوم ؟

                          طلعت عشوقة بعد ما حست بنشاط غريب و انتعاش رائع و

                          راحت بتسوي نسكافيه هذي ما تشبع ؟

                          و فجأة وقفت لانها شافت ..........

                          شنو اللي شافته عشوقة ؟

                          شبصير في نيويورك ؟

                          و على فكرة شفت في الاخبار ان الجو في نيويورك ممطر ابيكم

                          تتخيلون ان عندهم ثلوج اوكي ؟

                          توقعاتكم لا تنسون تكتبونها ,,,,

                          ترقبوا الفصل الاخير من الجزء العاشر ,,,,

                          قريباً جداً

                          تعليق


                          • #58
                            بسم الله الرحمن الرحيم

                            اللهم صل على محمد وآل محمد الطيبين الطاهرين

                            السلام عليكم ورحمة الله وبركاته

                            شخباركم ؟؟؟ شمسوووووين

                            بصرااحه عشووقة مساامحه هذي المرة الرابعه ارد على القصة والنت النحيس ما ادري شفيه يقطع

                            مو رادة ولا شيء

                            بس انتظر الجزء الباااااقي

                            تعليق


                            • #59
                              وااااااااااااااااااااااااااااااااااااااااااااااااا اااااااااااااااااو

                              روعة الجزء عشوقة

                              ياريت تكملين

                              ومنو جافت مادري منو جافت

                              بس أكيد تخيلت الثلج يطيح علينا وآنا واعلي أكيد آنا مخترعة من الثلج لان ماعندنا ثلوج بالبحرين يا حظنا التعيس

                              بليييييييييييييييييييييييييييييييييييييييييييييييي ييز

                              كملي القصة تكفين

                              ويلي على نيويورك ماصدق اننا في نيويورك يا عشوقة ههههههههههههههه

                              تعليق


                              • #60
                                هههههههههههههههه

                                عشوقة روعة هالجزء .. حيل روعة ..

                                صج ضحكتيني .. خاصة بالمطار ..

                                ننتظر ابداعج .. بالجزء القادم

                                تعليق

                                المحتوى السابق تم حفظه تلقائيا. استعادة أو إلغاء.
                                حفظ-تلقائي
                                x
                                إدراج: مصغرة صغير متوسط كبير الحجم الكامل إزالة  
                                x

                                اقرأ في منتديات يا حسين

                                تقليص

                                المواضيع إحصائيات آخر مشاركة
                                أنشئ بواسطة وهج الإيمان, 19-04-2019, 06:49 AM
                                استجابة 1
                                45 مشاهدات
                                1 معجب
                                آخر مشاركة وهج الإيمان
                                بواسطة وهج الإيمان
                                 
                                يعمل...
                                X