شكرا على الجزء
عشوقة اذا ما عليش امر قد ما تقدرين تحطين اجزاء حطي اوكي ؟
و تروحيت و ترجعين بالسلامة
-
اول شي اعذروني الجزء مو طويل بالمرة اعرف ,,, بس انا تعبانة وايد ,,,
( صدمات لا تنتهي ! )
صدمات لا تنتهي هذا اللي جال في خاطرها ,, اكيد انا مسويه شي غلط و الحين الناس يعاقبوني
اول شي ابوي ,, بعدين لجنة الاستقبال ,, و بعدين جوزيف ,, و الحين هذي ؟؟؟؟؟؟؟؟؟؟
كافي صدمات تعبت أنا ,, كأني في امتحان صعب يقيسون مقدار الصبر اللي عندي !!!
ما يدرون ان صبري ذرة و في أي لحظة ممكن تطيرها رياح قلبي الهائجة !!!
عبير بتهكم : عشوقة !! انا رحت شوي و يوم رجعت ما حصلتج ليـــــــــش ؟
عشوقة بتهكم اكبر : و الله شي راجع لي ,,,
عبير : حوووه شفيج انتي متغيرة علي ؟ توني اعرفج و ما لحقنا نتهاوش ,,,
ما قدرت تستحمل اللي فيها كافيها اعتقد ان الذرة طارت و خلصت ,,, قامت من الكرسي
و ظلت تطالع عبير بنظرات ,,,
عشوقة مرة وحدة : سمعيني اهي كلمة واحدة ماكو غيرها انتي بدرب و انا بدرب و لا ابي اعرفج من
اليوم
و رايح انسي كل شي ,,,,
عبير بخبث : هههههه و اللي يقولج لا ,,, انتي اللي بترجعين لي
ارتجف قلبها من الخوف اللي غمرها في ذيك اللحظة لكنها ابتسمت لها : هههه قصدج العكس حبيبي
اصحي
ترى ان نطقتي بحرف او تجراتي سويتي شي ,,, اروح مركز الشرطة اعطيهم الشريط و اللي سويتيه
كامل
عبير : ها ها ها بموت من الضحك ما عندج دليل واحد يثبت اني انا المذنبة ,,,
عشوقة : صح ما عندي دليل واحد ,,, لان عندي ادلة ,, و الحين لو سمحتي ممكن تعطيني مقفاج ,,,
عبير : يصير خير هين براويج شبسوي
عشوقة تضحك : ههههه ما تقدرين تسوين شي ,,,,,
راحت عبير تجر أذيال الهزيمة وراها ,,,
بنوتة و المخلصه كانوا يلعبون ويه لجنة الاستقبال و جوزيف يسوون رجل ثلجي
المخلصه : عشــــــــــــوقة تعالي حلوووووو صار شكله
عشوقة : ههههه اوكيك
شوي الا الكوثر و ناصر و سوسا طالعين من الهوتيل
ناصر يركض صوب عشوقة : وينج انتي ؟
عشوقة : في وين يعني ؟ السنترال بارك
ناصر : شصاير منو هذا ؟ ( يقصد جوزيف ) ,,,
عشوقة : اقعد بقول لك كل شي
ناصر : قولي كلي آذان صاغية ,,,
عشوقة : الله يسلمك هالصبي الصغير اخووي ,, بتقول شلون ؟ بقولك اول مرة رحنا السنترال بارك انا
و لجنة الاستقبال قعدنا نتمشى شفنا وحدة تضرب جوزيف ,,,
ناصر : جوزيف اسمه ؟
عشوقة : اي خل اكمل لك ,,, انا وقفت في ويهها خفت عليه جسمه صغير و مستحيل يتحمل الضرب
ناصر : اي
عشوقة : انزين تعرفنا عليه شوي شوي و قلنا له تعال ويانه ما يصير تظل بروحك هناك ويه زوجة
ابوك ,,
بس اهو رفض لان خاف تسوي فيه شي ,,, بعدين صرنا كل يوم نزوره ,, اليوم انا قلبي عورني و
وقف
حسيت ان في شي صاير قعدت اركض من السقة ويه لجنة الاستقبال و يوم رحنا هناك شفنا مرة ابوه
تبي
تذبحه !!!
الكوثر : لا اكيد تمزحين
عشوقة : هه جانزين امزح ,,, سحبته وياي برى و طلعنا الا سيارات الشرطة في كل مكان و بس
قلت لازم يعيش ويانه مستحيل اخليه وياهم دقيقة وحدة ,,,
الكوثر : مسكين ,,,
عشوقة : اي عور قلبي شلون كان يبجي و هو ضام روحه ,,,
ناصر : ......
سوسا تركض من بعيد
و يوم وصلت قعدت تلهث بسرعة من الركض : انزين متى المعرض بنسويه ؟
الكوثر : حددي يوم عشان اقول لهم
سوسا : باجر زين ؟
الكوثر : ههههههههه شكلج مستعيلة وايد
سوسا : هههه اي وايد ,,,,
عشوقة : انا تعبانة حدي بروح انام ,, يلا باي ,,
ناصر : باي
عشوقة : جوزيف ,,,
جوزيف يركض صوبها بس تعثر بشي و كان بطيح على الارض بس اهي يودته
الكوثر : ههههههههههههه نفس عشوقة بالضبط
ناصر : ههههههههههه اي و الله
عشوقة تطالع جوزيف : هل تألمت ؟
جوزيف : لا
عشوقة : أنت تعب ؟
جوزيف : لا
عشوقة : ههههه اذا كنت تود أن تنام سأكون هناك في الهوتيل حسناً ؟
جوزيف يبتسم : حسناً ,,,
عشوقة من بعدي : الى اللقاء
جوزيف : الى اللقاء ,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
قمر تاكل سندويش و بيدها عصير ,,,, تطالع التلفزيون
حامي : انا بروح انام اوكي ؟
قمر : اوكيك تبيني اقعدك من النوم ؟
حامي : اي ما عليج أمر الساعة جذي ....
قمر : اوكي خلاص اعتمد
حامي : بسج من التلفزيون روحي نامي لج شوي عشان نطلع بعدين ,,,
قمر : اوكي ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
ترقبوا التكملة قريباً جداً ,,,,
أو ربما أبعد مما تتصورون
تحاياياترك تعليق:
-
للحين ما كتبت شي توني قاعدة من النوم ,,,,,,
على فكرة احب اذكركم ان القصة بتوقف ,,,
لان يوم السبت بسافر ,,,
ادري بتزعلون أمانة اذا تحبون القصة انتظروني ,,,
لكن اول ما نرجع من السفر راح تكون المدارس ,,,
عشان جذي راح يقل دخولي للمنتدى ,,,
لكن بحاول قد ما اقدر انزل لكم اجزاء اطول ,,,
و السموحة منكم على المغثة ,,,
تحاياياترك تعليق:
-
جميلة القصة ...
والأحداث حلوة ومشوقة .. تسلم ايدج ..
وننتظر المعرس الحلو
و الجزء القادم ..
soosaaاترك تعليق:
-
اوكي
تعبت من الطريق واجد بعيد لكن بعد البيت اريح
بنام شوي لا مو تقعدوني الا اذا حطت عشوقة الجزء
ههههههههههههههاترك تعليق:
-
هههه
تفنشنا من القصة ........
الجزء رايع جدا جدا واكثر اثارة ...............
لا تخافين بدرس وياش قمر
ننتظر الجزء 21اترك تعليق:
-
قممممور شكراً على المرور ,,,,,
الله يعطيج العافية خيهــــ ,,,,
تحاياياترك تعليق:
-
شكرا على الجزء
حامي ليش ما تبغي ادرس معاك ؟
من شافوا؟ عشوقة بسرعة حطي الجزء ننتظر على احر احر احر احر من الجمراترك تعليق:
-
التكملة
التكملة ,,,
و تظل الآهات عنوان حياتي الكئيبة ,,, تلك الآهات المبعثرة التي أطلقها بلا اتجاه ,,,
ظلت تناظره و هي تشاهق وسط هذه الدموع الحزينة ,,,,
الرجفة ,, الارتباك ,, الخوف ,, الألم ,, القلب المحطم ,, الدمع ,, كان هذا اهو حالهم ثلاثتهم ,,,
لكن اهي ضمتهم لها تحاول تلملم بقاياهم ,,,
مضت الدقيقة تلو الأخرى ,,,
حتى دوت أصوات سيارات الشرطة بالمكان ,,, و هذا اللي خلاهم يخافون أكثر ,,,
و كأنه كابوس لا ينتهي و ان انتهى راح يظل محفور في ذاكرتهم للأبد ,,,
تلونت بالسواد المخيف ,,, و ظلت الغيوم الرمادية تنثر دموعها حزناً على حالهم ,,, ظل الغيث
ينزل بهدوء ,,,
و كأنه يحاول يغسل ذاكرتهم من كل شي ,,, ظلوا وسط هذا المطر الخفيف اللي
صار مثل قطرات الندى اللي تجمعت حواليهم ,,, و كأن الرحمة الالهية نزلت عليهم تشفي جراحهم و
تهديهم
بعض الطمأنينة و راحة البال ,,, و بالفعل ,,,
مسحت دموعها بطرف صبعها و وقفت ,,, تنثر بقايا الرذاذ اللي لامس الأرض بعذوبة ,,,
نزلت لمستوى كل واحد و مسحت دموعهم و هي تبتسم اتطمنهم ,,, و ما كان يقدرون يسوون
شي سوى انهم ارتموا عليها ينشدون منها الراحة و الأمان ,,, ظلت تمسح على راس كل واحد و
تهديهم ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ناصر : يمه انا خايف صراحة وايد
الكوثر : شتنتظر ؟ يلا خل نروح ندور عليهم
زهرة تتنهد : صدقوني ما ظن روحتكم بتفيدها ,,, بالعكس راح تخليها تعاند و تظل مكانها ,,,
ناصر : بس ,,
زهرة : لا بس و لا شي كل واحد يروح غرفته ينام انا بنتظر بنتي اهني
كل واحد استسلم و دخل غرفته ,,,
البنات ظلوا ويه بعض ما عدا فطووم
سوسا : انا ابي اعرف شي واحد ليش طلعت مرة وحدة جذي ؟؟
المخلصه : ماعرف جان تساليني انا
بنوتة : انا احس فيه شي صاير صدقوني
سوسا : الله تعالوا شوفوا ,,,
المخلصه : شنو ؟
سوسا : مطر
بنوتة : هههههههههههههه ما عندج سالفة
المخلصه : ههههههههه بالعكس تعالي طالعي المنظر روووعة
بنوتة : انا يوعانة تبون اسوي لكم شي ؟
المخلصه : حتى انا ,, اي شي بتسوينه بناكله
بنوتة : اوكيك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
وصلوا البيت بعد عناء طويل ,,,
و كأنها موجودة في بيتهم ,, كان طبق الأصل منه ,,,,,
قمر : آآآه تعبت
حامي : ما قلت لج ما بنروح البيت لانج تعبانة ,,, قلتي لا انا مو تعبانة و لا شي دواج ,,,
قمر : ههههههههههه انزين فكنا ,,, انا يوعانة ,,,
حامي : و الله مالي شغل ,,, روحي المطبخ الثلاجة متروسة اكل اخذي لج اللي تبين
قمر : احم حامي ابي اقول لك شي
حامي : قولي
قمر : ابي اكمل دراستي اهني وياك ,,,
حامي : هههههههههههههه اكيد لازم تروحبن الجامعة
قمر : صج و الله موافق ؟
حامي : لا
قمر : بذبحك
حامي : شدراني فيج توني اقول لج لازم تروحين ,,, تقولين لي موافق ؟
قمر : ههههههههه أتأكد كيفي ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
سمت بالرحمن و مشت مبتعدة عن البيت او بالأحرى الملحق و هي ميودة كل واحد من يده ,,,
عشوقة بصوت مبحوح : جوزيف ستعيش معنا من الآن و صاعداً ,,,
جوزيف : لكن ,,,
عشوقة : جوزيف !
جوزيف : حسناً ,, سأفعل
عشوقة : ستسر أمي عند رؤيتك كثيراً ,,,
جوزيف بابتسامة : حقاً ؟
عشوقة : بالطبع عزيزي
لجنة الاستقبال : الله لنا ,,, الحين كله ويه جوزيف و انا صرت طوفة هبيطة
عشوقة : ههههههههههههههههههه صل على النبي و الله انا احبكم كلكم
لجنة الاستقبال : ابي باسكن روبنز
عشوقة : الحين ؟
لجنة الاستقبال و بعناد الاطفال : اي الحين و الله تراني ما اتحرك الا لما تشترين لي
عشوقة : بل بل بل ههههههههههه انزين يا بوك بنشتري لك
راحت تشتري لهم اثنينهم
و عطت جوزيف واحد
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
سوسا : بروح اييب عدة الرسم ,,,
بنوتة : بترسمين ؟
سوسا : يب
المخلصه : تلعبون ؟
بنوتة : شنو ؟
المخلصه : سباق هههههههههه
بنوتة : ههههههههههههه في الشقة مستحيل ما بخلونا ,, شرايكم نطلع ؟
المخلصه : اوكيك انا موافقة سوسا بتروحين ويانه ؟
سوسا : اممممم خلاص اوكي
نزلوا تحت و طلعوا من الهوتيل ,,,
قدام كان فيه حديقة و مساحة وايد حق اللعب و كل شي ,,,
المخلصه : اذا قلت 3 ننطلق ,, طالعوا الرجل الثلجي هناك لازم نوصل له ,,,
بنوتة : اوكي
المخلصه : جاهزين ؟
سوسا + بنوتة : اي
المخلصه : ههههههههههههههههه كانكم يهالوا مال الروضة و الله هههههه
سوسا : ههههههه يلا عاد
المخلصه : ههههه اوكي اوكي ,,, 1 2 3
و انطلقوا بسرعة
اول وحدة وصلت الرجل الثلجي اهي المخلصه ,,,
بعدين سوسا
الأخيرة بنوتة هههههههه دعمت في الرجل الثلجي و خربته
بعد شوي ,,,,
اليهالوا تيمعوا كلهم عليها يصارخون عليها
المخلصه : هههههههههههههههههههه
سوسا : ههههههههههههه طالعي بنوتة ههههههههههههههههههه
المخلصه : ههههههههههه بس كسرت خاطري ههه
وقفوا شوي ضحك و قعدوا يساعدون اليهالوا يسوون رجل ثلجي جديد
بنوتة : خل نرجع البيت و الله براويكم شغلكم
سوسا : ههههههه يصير خير
المخلصه تطالع من بعيد : هذي مو عشوقة ؟
سوسا تطالع من بعيد : اي و الله اهي
المخلصه تنادي : عشــــــــــــــــــــــــوقة !
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
كانوا يمشون ثلاثتهم توهم بيدخلون الهوتيل سمعوا احد ينادي عشــــــــــــــوقة
لفت ويهها تدور على مصدر الصوت و حصلت المخلصه من بعيد
عشوقة بفرحة : تسابقوني ؟
لجنة الاستقبال : ههههههههههههه اي
جوزيف : حسناً
عشوقة : 1 2 3
و قعدوا يركضون اول واحد وصل اهو جوزيف و لجنة الاستقبال آخر شي عشوقة
بنوتة تضحك : هههههههههه هارد لك عشوقة
سوسا : هههههههههه كانها يايه من ماراثون
المخلصه : هههههههههههه اي و الله
المخلصه بعد شوي : عشوقة منو هذا ؟
عشوقة تبتسم : هذا اخوي
كل من يطالع الثاني
المخلصه : شرحي شوي ,, شسالفة ؟
قالت لهم عن جوزيف ,,,,,,,
المخلصه : ماشاء الله شكله حلوووو
سوسا : اي ماشاء الله
بنوتة : هههههههههههههه يلا قعدوا طول اليوم تأملوا فيه و الله حالة
المخلصه : هههههههههه ذكرتيني بسوسا يوم في المطار
سوسا : هههههههههههه اي
عشوقة تذكرت : هههههههههه شقالت سوسا عن ناصر ؟
بنوتة : ههههه قولي شنو ما قالت ,,, قاعدت تدعي ربها الله يعطيها ريل نفسه
عشوقة فطست من الضحك : هههههههههههههههههههههه
سوسا : شوفوا احنا اهني و امي تدور عليج عشوقة ,,, ما يصير بروح لهم اقول لهم و بنادي على
ناصر و الكوثر
عشوقة : اوكيك
قعدوا كلهم صوب بعض على احد الكراسي يسولفون ,,,
فجأة !!!!!
شنو بصير ؟
منو اللي راح يطلع لهم ؟
ترقبوا الجزء 21 قريباً جداً ,,,,اترك تعليق:
-
شكراً على المرور ,,,
و الله ما كان ودي أتأخر في الجزء
بس توني قاعدة من النوم و رحت اصلي بسرعة
راح اكتب الجزء ,,, فانتظرونياترك تعليق:
| المواضيع | إحصائيات | آخر مشاركة | ||
|---|---|---|---|---|
|
ردود 5
208 مشاهدات
0 معجبون
|
بواسطة وهج الإيمان
03-07-2025, 10:06 PM
|
|||
|
ردود 5
290 مشاهدات
0 معجبون
|
بواسطة وهج الإيمان
02-07-2025, 08:46 PM
|
|||
|
ردود 4
133 مشاهدات
0 معجبون
|
بواسطة وهج الإيمان
02-07-2025, 03:02 AM
|
|||
|
ردود 7
396 مشاهدات
0 معجبون
|
بواسطة وهج الإيمان
02-07-2025, 03:03 AM
|
|||
|
ردود 4
1,551 مشاهدات
0 معجبون
|
بواسطة وهج الإيمان
يوم أمس, 10:41 PM
|
اترك تعليق: